Shtetet e Bashkuara dhe Izraeli janë gati të ndërmarrin sulme të reja kundër Iranit “brenda pak ditësh”. Kështu raportojnë burime të mirëinformuara për The Wall Street Journal, disa prej të cilave thonë se operacionet ushtarake mund të rifillojnë që javën e ardhshme.

Përkundër kësaj negociatat me ndërmjetësimin e Pakistanit nuk kanë avancuar. 

“Qëndrimi i Iranit në bisedimet me Shtetet e Bashkuara për t’i dhënë fund luftës nuk ka ndryshuar ndjeshëm krahasuar me fazat e mëparshme, të cilat nuk kishin sjellë përparim drejt një marrëveshjeje.” thotë Wall Street Journal, duke cituar ndërmjetës rajonalë dhe zyrtarë amerikanë të njohur me bisedimet, të cilët kanë ngritur dyshime të reja mbi mundësinë e një zgjidhjeje diplomatike të konfliktit.

Deklaratat vijnë pasi presidenti Donald Trump tha se kishte anuluar sulmet ushtarake të planifikuara për të martën, në dritën e atyre që i quajti “zhvillime pozitive” në negociatat në vazhdim.

Duke folur nga shtëpia e bardhë me rastin e atij që quhet pikniku kongresional, trump ndoshta paraajmëroi rinisjen e sulmeve dhe formën e tyre.

"Do të bëjmë një udhëtim të vogël në një vend të quajtur Iran. Duhet t’i pengojmë ata të mendojnë për programin bërthamor dhe nuk do t’i lejojmë të kenë një armë bërthamore. Ne kemi bërë një punë të jashtëzakonshme dhe mendoj se do ta përfundojmë shumë shpejt, dhe ata nuk do të kenë një armë bërthamore: shpresoj që ta bëjmë në një mënyrë shumë të këndshme", tha Trump.

Trump zhvilloi dje gjithashtu një bisedë me Kryeministrin izraelit Benjamin Netanyahu. Mbrëmë ata zhvilluan një bisedë telefonike “të gjatë dhe vendimtare” sipas përshkrimit që i bëri televizioni izraelit Channel 12.

Por, nëse sulmet e SHBA-së dhe Izraelit kundër Iranit rifillojnë, lufta “do të shtrihet përtej rajonit”. Ky është paralajmërimi i bërë nga Garda Revolucionare e Iranit.

Në një deklaratë ata thanë se Armiku amerikano-izraelit po flet edhe një herë për kërcënime, por forca e iranianëve shihet në fushën e betejës dhe jo në deklarata boshe apo profile virtuale.

Rendit zhvillimet sipas orarit:
Ora 15:44
Sërish shkelje e armëpushimit, avionët luftarakë izraelitë sulmojnë qytete libaneze

1779284725_fgiiii.JPG

Pavarësisht armëpushimit në Liban, avionët luftarakë izraelitë kanë goditur qytetin libanez Jibsheet gjatë natës, sipas agjencisë shtetërore të lajmeve të Libanit.

Një sulm shtesë thuhet se kishte në shënjestër zonën pranë një shkolle ndërkombëtare në Habboush. Sulmet goditën edhe qytetet Kherbet Silem dhe Kfara më parë.

Kjo vjen pak ditë pasi armëpushimi i ndërmjetësuar nga SHBA-të midis Izraelit dhe Libanit u zgjat për 45 ditë.

Të paktën 19 persona janë vrarë në sulmet ajrore izraelite në Libanin jugor gjatë 24 orëve të fundit, tha Ministria e Shëndetësisë e vendit në përditësimin e saj të fundit dje.

Shënim: Shifrat nuk bëjnë dallim midis luftëtarëve dhe civilëve dhe ushtria izraelite këmbëngul se u jep këtyre të fundit paralajmërime paraprake.

R.Xh/Shqiptarja.com

Ora 14:08
Khamenei: Njerëzit heroikë i rezistojnë ushtrive terroriste

1776954925_mojtabakhamenei.png

Foto: Mojtaba Khamenei

Udhëheqësi Suprem i Iranit, Ajatollah Ali Khamenei, vlerësoi rolin e popullit dhe udhëheqësve iranianë në rezistencën ndaj Shteteve të Bashkuara dhe Izraelit.

"Sot, ne jemi dëshmitarë të veprave heroike të popullit iranian në rezistencën e tyre historike dhe të pashembullt kundër dy ushtrive terroriste globale. Kjo e bën detyrën e udhëheqësve të Republikës Islamike edhe më të rëndë, nga udhëheqja te krerët e qeverive e deri te të gjitha nivelet e udhëheqjes.

Prandaj, "të falënderosh për bekimin e kohezionit midis popullit, qeverisë dhe të gjitha institucioneve do të thotë forcimi i motivimit dhe shërbimi më intensiv dhe luftarak i atyre që janë përgjegjës, adresimi i problemeve dhe shqetësimeve të popullit, veçanërisht në sferat ekonomike dhe të jetesës, ruajtja e një pranie të drejtpërdrejtë në terren dhe përcaktimi i një roli serioz për popullin e zgjuar përgjatë rrugës së përparimit të vendit dhe përparimi me shpresë drejt një të ardhmeje të ndritur", shkroi Khamenei.

Xh.K/Shqiptarja.com

Ora 13:38
Pasdaran: Nëse lufta rifillon, ajo do të përhapet përtej rajonit

1778248178_sulmeneteheran.jpg

Nëse sulmet e SHBA-së dhe Izraelit kundër Iranit rifillojnë, lufta "do të përhapet përtej rajonit". Ky është paralajmërimi i lëshuar nga Garda Revolucionare Islamike e Iranit.

"Armiku amerikano-izraelit po bën përsëri kërcënime. Ne jemi burra të luftës. Forca jonë shihet në fushën e betejës, jo në deklarata boshe dhe profile online", thuhet në deklaratë.

Xh.K/Shqiptarja.com

Ora 13:31
Vendimi i radhës për luftën në Iran, Trump dhe Netanyahu zhvillojnë një bisedë të gjatë telefonike

Foto: Benjamin Netanyahu dhe Donald Trump

Donald Trump zhvilloi një bisedë të gjatë telefonike me kryeministrin izraelit Benjamin Netanyahu të martën në mbrëmje në lidhje me luftën në Iran.

Sipas medias izraelite Channel 12, biseda ishte e gjerë dhe dramatike, me dy udhëheqësit që dukeshin në prag të një vendimi për hapin tjetër kundër Teheranit.

Komunikimi vjen pas përpjekjeve të dështuara të Trump për ta lëvizur Teheranin nga pozicionimi i tij, pavarësisht kërcënimeve, deklaratave të ashpra dhe veprimeve ushtarake që ai ka njoftuar.

Xh.K/Shqiptarja.com

Ora 07:57
Putin në Pekin, presidenti Xi Jinping: Një rifillim i konfliktit në Iran është i papranueshëm

Foto: Xi Jinping dhe Vladimir Putin

Presidenti kinez Xi Jinping e ka quajtur "urgjente" një "ndërprerje të plotë të armiqësive" në Lindjen e Mesme, duke e quajtur "të papranueshme" një rifillim të konfliktit.

 Gjatë takimit të tij në Pekin me Presidentin rus Vladimir Putin, udhëheqësi kinez e quajti "veçanërisht të rëndësishme angazhimin në negociata".

Xh.K/Shqiptarja.com