POP 5

Lajmet më të lexuara të 5 minutave të fundit

Bota

SHBA me pako të re të ndihmës ushtarake për Ukrainën me vlerë prej 425 mln$

Administrata e presidentit amerikan, Joe Biden, planifikon që më 3 nëntor të njoftojë për një paketë të re të ndihmës ushtarake për Ukrainën në vlerë prej 425 milionë dollarësh

SHBA me pako të re të ndihmës ushtarake për Ukrainën me vlerë prej 425 mln$

Administrata e presidentit amerikan, Joe Biden, planifikon që më 3 nëntor të njoftojë për një paketë të re të ndihmës ushtarake për Ukrainën në vlerë prej 425 milionë dollarësh.

Paketa e re përfshin raketa kundër dronëve dhe municione, thanë dy zyrtarë amerikanë, raporton Reuters.

Në ndihmën e re nuk pritet që të përfshihen raketa shtesë ATACMS. Kongresistë republikanë i kanë bërë thirrje Bidenit që të dërgojë në Ukrainë raketa me rreze më të gjatë veprimi, pavarësisht se disa ligjvënës konservatorë janë shprehur kundër dërgimit të ndihmës shtesë në shtetin që po përballet me pushtimin e paprovokuar rus që nga shkurti i vitit të kaluar.

Në pakon për Ukrainën përfshihen municione me laser në vlerë prej rreth 300 milionë dollarësh, të cilat mund të rrëzojnë dronët e Rusisë, thuhet në dokumentin që e ka parë agjencia Reuters. Financimi i këtyre municioneve vjen nga Programi i Nismës për Ndihmë të Sigurisë për Ukrainën, që i mundëson administratës Biden të blejë armë nga industria e mbrojtjes në vend që të marrë armë nga stoqet e ushtrisë amerikane.

Pjesa tjetër e fondeve prej 125 milionë dollarësh do të përdoret për municione shtesë për Sistemin e Avancuar Kombëtar të Raketave Tokë-Ajër (NASAMS), municione për Sistemin Raketor të Artilerisë me Lëvizshmëri të Lartë (HIMARS), artileri 105 dhe 155-milimetërshe, armë kundërtanke të llojit TOW, mina Claymore, armë të vogla dhe dhjetëra automjete, thanë zyrtarët që folën në kushte anonimiteti.

Kjo paketë e ndihmës është mundësuar duke përdorur Autoritetin i Tërheqjes Presidenciale, që autorizon Bidenin të transferojë artikuj dhe shërbime nga stoqet e SHBA-së gjatë një emergjence dhe për këtë atij nuk i duhet miratimi i Kongresit.

Që prej nisjes së pushtimit rus të Ukrainës në shkurtin e vitit 2022, SHBA-ja i ka dërguar ndihmë ushtarake Kievit në vlerë prej afër 44 miliardë dollarësh./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 03/11/2023 10:00

    Nga miliarda tani po dergon miliona Amerika i ra beti fare aq e pati dhe kjo pune

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dita e Pavarësisë, përurohet vepra e Mid’hat Frashërit. Vëllimi i dhjetë sjell të gjitha përkthimet e bëra prej tij

Dita e Pavarësisë, përurohet vepra e Mid’hat Frashërit. Vëllimi i dhjetë sjell të gjitha përkthimet e bëra prej tij

28 Nëntor, 13:29 nga Blerina Goce