Izraeli është gati të nisë një operacion ushtarak kundër Iranit. Lajmin e raportuan disa media amerikane përfshirë Neë York Times dhe CBS Neës, që citojnë burime amerikane dhe evropiane.

Përshpejtimi i Izraelit dhe frika e hakmarrjes kundër interesave amerikane në rajon thuhet se janë baza e këshillës së Uashingtonit për qytetarët dhe diplomatët e tij që të largohen nga Iraku dhe vendet e tjera në zonë.

Pentagoni gjithashtu ka autorizuar anëtarët e familjeve të ushtarakëve të braktisin vullnetarisht zyrat e tij në të gjithë Lindjen e Mesme, tha një zyrtar i Mbrojtjes për CBS Neës. Ambasada e SHBA-së në Izrael ka lëshuar një paralajmërim sigurie për punonjësit e saj, duke deklaruar se, për shkak të tensioneve në rritje rajonale, punonjësve në Izrael nuk u lejohet të udhëtojnë jashtë zonës së Tel Avivit, Jerusalemit dhe Beershebës. Sipas njoftimit, lejohet të arrihet në Aeroportin Ben Gurion duke marrë Autostradën 1 dhe kalimin Allenby.

Departamenti Amerikan i Shtetit ka urdhëruar stafin jo-thelbësor dhe familjet e tyre të largohen edhe nga ambasadat amerikane në Bahrein dhe Kuvajt, mes shqetësimeve për trazira të mundshme në misionet diplomatike amerikane në disa vende të Lindjes së Mesme, duke filluar me Irakun: një paralajmërim i përsëritur nga vetë Presidenti Trump. Omani njoftoi të enjten se do të organizojë një raund të gjashtë bisedimesh bërthamore SHBA-Iran gjatë fundjavës, mes tensioneve në rritje midis dy armiqve të hershëm.

"Jam i kënaqur të konfirmoj se raundi i gjashtë i bisedimeve Iran-SHBA do të mbahet në Muscat të dielën", tha Ministri i Jashtëm i Omanit Badr Albusaidi në një postim në X.

Njoftimi i Omanit erdhi disa orë pasi Presidenti Donald Trump tha se personeli amerikan do të zhvendosej nga Lindja e Mesme potencialisht "e rrezikshme".