POP 5

Lajmet më të lexuara të 5 minutave të fundit

Bota

SHBA përdori bombarduesit supersonikë B-1 për të goditur 85 objektiva në Siri e Irak

Bombardueset supersonike B-1 u ngritën nga bazat e tyre në SHBA për të nisur sulmin kundër milicisë pro iraniane dhe bazave të Gardës Revolucionare në Irak dhe Siri.Konfirmim I fuqisë së reagimit të urdhëruar nga Presidenti Biden, për sulmin që vrau tre ushtarë amerikanë në Jordani, dhe që cilësohet si më i madhi që nga operacionet e vitit 2011 në Libi.

SHBA përdori bombarduesit supersonikë B-1 për të goditur 85 objektiva në Siri e Irak

Bombarduesi supersonik B-1

1706919060_1a20890c85ec42feada6b20c80feae4b.jpg

Bombarduesi supersonikë B-1

Bombardueset supersonike B-1 u ngritën nga bazat e tyre në SHBA për të nisur sulmin kundër milicisë pro iraniane dhe bazave të Gardës Revolucionare në Irak dhe Siri.Konfirmim I fuqisë së reagimit të urdhëruar nga Presidenti Biden, për sulmin që vrau tre ushtarë amerikanë në Jordani, dhe që cilësohet si më i madhi që nga operacionet e vitit 2011 në Libi.

Një paralajmërim i qartë për Teheranin, i cili deri më tani nuk është goditur në territorin e tij, për vendosmërinë e Uashingtonit për të ndaluar ndërhyrjet e ajatollahëve për të përhapur luftën e vazhdueshme në Gaza në të gjithë Lindjen e Mesme dhe më gjerë.

Sipas informacioneve të publikuara nga Komanda Qendrore, janë goditur mbi 85 objektiva, duke përdorur më shumë se 125 bomba precize. Në shënjestër u vunë qendrat e komandës dhe kontrollit, qendrat e inteligjencës, depot e raketave dhe dronëve dhe shumë objekte të tjera.

Sulmet nuk ishin në territorin iranian, por goditën bazat e Pasdaranit jashtë vendit. Duke gjykuar nga objektivat e targetuara, qëllimi ishte shkatërrimi i strukturave në vend të eliminimit të personelit ushtarak. Milicitë pro-iraniane po shënjestrojnë forcat amerikane në të gjithë Lindjen e Mesme që nga fillimi i luftës në Gaza. Ndërsa fundjavën e kaluar filluan sulmin e tyre më të rëndë, duke goditur një bazë në Jordaninë veriore.

Tre ushtarë amerikanë u vranë në sulmin me dron. Trupat e tyre u pritën nga Presidenti Biden në bazën Dover në Delaëare. Në të njëjtën kohë, Pentagoni dha ​përgjigjen që kreu i Shtëpisë së Bardhë kishte paralajmëruar tashmë ditët e fundit, duke thënë se i kishte miratuar objektivat. Nuk mund të mos i përgjigjeshin vdekjes së tre ushtarëve amerikanë, por mbi të gjitha përshkallëzimit nga Teherani, edhe nëse në përgjigje të kërcënimeve të tij, milicia e Katib Hezbollahut kishte deklaruar se donte të pezullonte operacionet e saj kundër amerikanëve.

Dy ditë më parë zëdhënësi i Shtëpisë së Bardhë tha se përgjigja do të vijë në faza të ndryshme dhe mund të zgjasë për një periudhë të gjatë, ndaj ka të ngjarë që të mos jetë një operacion i izoluar. Uashingtoni ka thënë se nuk dëshiron ta zgjerojë luftën ndaj Iranit dhe për këtë arsye ka qenë i kujdesshëm që të mos godasë drejtpërdrejt Republikën Islamike brenda kufijve të saj, por nëse mesazhi nuk merret, Pentagoni është i gatshëm të përshpejtojë dhe intensifikojë kundërpërgjigjet. Në fakt, vetë presidenti paralajmëroi: “Përgjigja jonë filloi sot. Do të vazhdojë në vendet dhe kohët që ne zgjedhim. Ne nuk po kërkojmë konflikt, në Lindjen e Mesme apo gjetkë në botë. Por nëse lëndoni një amerikan, ne do të përgjigjemi”.


Lajmi kryesor:

Lufta/ SHBA nis sulmet në Siri e Irak, godet objektivat e grupeve militare! Biden: Hakmarrja për vrasjen e 3 ushtarëve amerikanë do vazhdojë (VIDEO)
S.G/SI.E./Shqiptarja.com
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39