Shtetet e Bashkuara të Amerikës nisën mbrëmjen e së premtes vonë, 2 shkurt 2024, një valë sulmesh ajrore ndaj objektivave të grupeve paraushtarake në Siri dhe Irak. Një kundërpërgjigje ndaj sulmit me dron që vrau një javë më parë, më 28 janar tre ushtarakë amerikanë dhe plagosi dhjetra të tjerë në Jordani.
Ushtria amerikane njoftoi sulmet ajrore në Siri dhe Irak goditën më shumë se 85 objektiva të Gardës Revolucionare iraniane dhe aleatëve të tyre. U goditën qendrat e komandës dhe kontrollit, qendrat e zbulimit, depot e raketave dhe dronëve dhe objekte të tjera logjistike në shtatë lokacione - katër në Siri dhe tre në Irak.
Komanda Qendrore amerikane njoftoi se janë përdorur mbi 125 raketa të precizionit të lartë, të cilat u lëshuan, brenda 30 minutave, nga disa avionë, përfshirë avionët bombardues me rreze të gjatë dhe bombarduesit supersonik B-1.
Avionët me dhe pa pilotë që godasin me rreze të gjatë veprimi u ngritën nga bazat amerikane dhe goditjen e objektivave e kryen pa asnjë ndalesë. Zyrtarët amerikanë besojnë se sulmet ishin të suksesshme
Shtetet e Bashkuara fajësuan për sulmin e 28 janarit ku mbetën të vrarë ushtarët amerikanë rezistencën Islamike në Irak, një koalicion i milicive të mbështetur nga Irani. Ndërkohë trupat e pajetë të ushtarëve u kthyen po sot në Shtetet e Bashkuara dhe u pritën me një ceremoni solemne në bazën ajrore Dover, në Dellauer ku ishte i pranishëm dhe presidenti Biden. Pak orë më pas u mësua filimi i sulmit.
Presidenti Joe Biden tha se kundërshtarët duhet t'i kushtojnë vëmendje paralajmërimeve të SHBA-së, ndërsa sekretari i tij i mbrojtjes u zotua: "Ky është fillimi i përgjigjes sonë".
Sulmet amerikane nuk goditën drejtpërsëdrejti Iranin apo drejtuesit e lartë të Gardës Revolucionare të gjendur brenda territorit të Iranit, që ka mohuar të ketë patur rol në sulmin në Jordani. SHBA po kërkon të pengojë sulmet e mëtejshme ndaj trupave të saj duke shmangur një konflikt në shkallë të gjerë me Iranin në një rajon tashmë të tronditur nga lufta Izrael-Hamas.
Ndërkohë në Rripin e Gazës, një marrëveshje e re e mundshme për lirimin e 132 izraelitëve që po vazhdojnë të mbahen peng nga Hamasi në Gazë për gati katër muaj, me shumë gjasë do ta detyronte Izraelin t’i jepte fund luftës pa shkatërrimin e grupit militant. Por Kryeministri Netanyahu flet me bindje se kjo nuk do të ndodhë.
Ndiqni lajmet poshte ne zhvillim
BREAKING:
— Visegrád 24 (@visegrad24) February 2, 2024
USA starts airstrikes against Iranian proxy groups in Syria & Iraq.
This vid shows secondary explosions after US planes struck a weapons depot in Al-Qaim, Iraq.
The retaliation for drone strike that killed 3 U.S. soldiers in Jordan has started pic.twitter.com/BKhR9CeDph
Bombarduesi supersonikë B-1
Bombardueset supersonike B-1 u ngritën nga bazat e tyre në SHBA për të nisur sulmin kundër milicisë pro iraniane dhe bazave të Gardës Revolucionare në Irak dhe Siri.Konfirmim I fuqisë së reagimit të urdhëruar nga Presidenti Biden, për sulmin që vrau tre ushtarë amerikanë në Jordani, dhe që cilësohet si më i madhi që nga operacionet e vitit 2011 në Libi.
Një paralajmërim i qartë për Teheranin, i cili deri më tani nuk është goditur në territorin e tij, për vendosmërinë e Uashingtonit për të ndaluar ndërhyrjet e ajatollahëve për të përhapur luftën e vazhdueshme në Gaza në të gjithë Lindjen e Mesme dhe më gjerë.
Sipas informacioneve të publikuara nga Komanda Qendrore, janë goditur mbi 85 objektiva, duke përdorur më shumë se 125 bomba precize. Në shënjestër u vunë qendrat e komandës dhe kontrollit, qendrat e inteligjencës, depot e raketave dhe dronëve dhe shumë objekte të tjera.
Sulmet nuk ishin në territorin iranian, por goditën bazat e Pasdaranit jashtë vendit. Duke gjykuar nga objektivat e targetuara, qëllimi ishte shkatërrimi i strukturave në vend të eliminimit të personelit ushtarak. Milicitë pro-iraniane po shënjestrojnë forcat amerikane në të gjithë Lindjen e Mesme që nga fillimi i luftës në Gaza. Ndërsa fundjavën e kaluar filluan sulmin e tyre më të rëndë, duke goditur një bazë në Jordaninë veriore.
Tre ushtarë amerikanë u vranë në sulmin me dron. Trupat e tyre u pritën nga Presidenti Biden në bazën Dover në Delaëare. Në të njëjtën kohë, Pentagoni dha përgjigjen që kreu i Shtëpisë së Bardhë kishte paralajmëruar tashmë ditët e fundit, duke thënë se i kishte miratuar objektivat. Nuk mund të mos i përgjigjeshin vdekjes së tre ushtarëve amerikanë, por mbi të gjitha përshkallëzimit nga Teherani, edhe nëse në përgjigje të kërcënimeve të tij, milicia e Katib Hezbollahut kishte deklaruar se donte të pezullonte operacionet e saj kundër amerikanëve.
Dy ditë më parë zëdhënësi i Shtëpisë së Bardhë tha se përgjigja do të vijë në faza të ndryshme dhe mund të zgjasë për një periudhë të gjatë, ndaj ka të ngjarë që të mos jetë një operacion i izoluar. Uashingtoni ka thënë se nuk dëshiron ta zgjerojë luftën ndaj Iranit dhe për këtë arsye ka qenë i kujdesshëm që të mos godasë drejtpërdrejt Republikën Islamike brenda kufijve të saj, por nëse mesazhi nuk merret, Pentagoni është i gatshëm të përshpejtojë dhe intensifikojë kundërpërgjigjet. Në fakt, vetë presidenti paralajmëroi: “Përgjigja jonë filloi sot. Do të vazhdojë në vendet dhe kohët që ne zgjedhim. Ne nuk po kërkojmë konflikt, në Lindjen e Mesme apo gjetkë në botë. Por nëse lëndoni një amerikan, ne do të përgjigjemi”.
Administrata e SHBA-së deklaroi se kishte lajmëruar qeverinë e Bagdadit përpara sulmit ajror në territorin e saj, deklaroi këshilltari për sigurinë kombëtare John Kirby.
Por nga ana tjetër qeveria e Bagdadit e ka quajtur sulmin amerikan si ‘dhunim të sovranitetit. Është ‘një kërcënim që mund të sjellë konseguenca të rënda në Irak dhe në rajon” thuhet në deklaratën e qeverisë irakene.
Edhe media shtetërore siriane akuzoi SHBA-në për "agresion" për sulmet, të cilat ata thonë se kishin në shënjestër zonat e shkretëtirës së Sirisë dhe ato përreth kufirit Sirian-Irak, "duke shkaktuar vdekje dhe lëndime të shumta". Raporton Al Jazeera dhe Times of Izraeli.
SHBA nis sulmin ndaj objektivave të grupeve paraushtarake në Siri dhe në Irak. Në rrjetin social X vijnë dhe pamjet e para të sulmeve amerikane në perëndim të Irakut afër kufirit me Sirinë. Sipas zyrtarëve amerikanë janë goditur 85 objektiva.
BREAKING: Footage of the USAF airstrikes in western #Iraq near border of #Syria.#US pic.twitter.com/xxPMrvahuH
— World Times (@WorldTimesWT) February 2, 2024
BREAKING: Footage of U.S. airstrikes in Syria. pic.twitter.com/loLc5iXBy0
— World Times (@WorldTimesWT) February 2, 2024
Presidenti Biden duke pritur trupat e ushtarakëve të vrarë amerikanë (2 shkurt 2024)
Presidenti i SHBA-së Joe Biden deklaroi: Hakmarrja jonë filloi sot e do të vijojë në kohën dhe në vendet që do të vendosim ne”.
Presidenti amerikan përsëriti se "Shtetet e Bashkuara nuk duan konflikt në Lindjen e Mesme apo kudo tjetër në botë".
Por ai lëshoi gjithashtu një paralajmërim: "Të gjithë ata që duan të na lëndojnë duhet të dinë: Nëse lëndoni një amerikan, ne do të hakmerremi".
Hakmarrja jonë filloi sot dhe do të vazhdojë në kohën dhe vendet që ne vendosim”. Presidenti amerikan përsëriti se "Shtetet e Bashkuara nuk duan konflikt në Lindjen e Mesme apo kudo tjetër në botë".
Shtetet e Bashkuara të Amerikës kanë filluar një valë sulmesh ajrore në Irak dhe Siri.
Sulmet vijnë si përgjigje ndaj sulmit me dron të bërë në bazën ushtarake amerikane në Jordani, ku mbetën të vrarë tre trupa amerikanë dhe u plagosën rreth 40 të tjerë, të dielën.
Goditjet fillestare u kryen ndaj selisë së komandës dhe kontrollit, depove me municione dhe objekte të tjera.
Shtetet e Bashkuara fajësuan për sulmin Rezistencën Islamike në Irak, një koalicion i milicive të mbështetur nga Irani.
Grupet e milicisë të mbështetur nga Irani në të gjithë rajonin e kanë përdorur konfliktin midis Izraelit dhe Hamasit për të justifikuar goditjen e objekteve amerikane të paktën 166 herë.
Komente
Lajme të tjera
-
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
I dërguari i SHBA-së mbërrin në Bejrut, Libani e Hezbollahu pranojnë propozimin për armëpushim
19 Nëntor, 09:16 -
Lufta/ Media: Izraeli ka bombarduar pranë zyrës së OKB-së dhe Parlamentit në Liban
18 Nëntor, 09:22
Jeni kriminel lufte me keq se Zionistet.
PërgjigjuCfare kerkojne amerikanet kaq larg vendit ta tyre ? Kane ngulur bazat e tyre ushtarake dhe ju vjedhin naften vendeve si Iraku , Siria etj dhe pastaj ankohen qe ju vrane ushtaret
PërgjigjuShkrepeni 1 fishekzjarr edhe te rruga e salës se nuk iu gjen gjo o USA…
PërgjigjuJepi U.S
PërgjigjuNazista me pashaporta
Përgjigju