Së fundmi, Grupi G20 ka dënuar "përdorimin e forcës" në Ukrainë për pushtime "territoriale". Kjo gjë është përmendur gjatë deklaratës përfundimtare nga Grupi G20, e cila nuk përmend në mënyrë të qartë agresionin e Rusisë. Nga ana tjetër, liderët kanë denoncuar "krizat" që përbëjnë një kërcënim për rritjen afatgjatë globale.
Samiti i 18-të i Liderëve të G20, i cili mbahet në Indi me temën "Një Tokë, një Familje, një e Ardhme" filloi me ceremoninë zyrtare të pritjes në të cilën mori pjesë edhe presidenti i Turqisë, Recep Tayyip Erdogan. Kryeministri indian Narendra Modi mirëpriti dhe shkrepi disa fotografi me liderët që morën pjesë në ceremoninë e samitit që zhvillohet në Qendrën Ndërkombëtare të Panaireve dhe Kongreseve "Bharat Mandapam".
Udhëheqësit e G20 së fundmi arritën një konsensus mbi deklaratën përfundimtare në samitin e Delhi. Kështu deklaroi kryeministri Indian, Narendra Modi, i cili falenderoi ministrat që punuan shumë për të arritur këtë qëllim dhe e bënë atë të mundur.
"Kam marrë një lajm të mire. Falë punës së palodhur të ekipit tonë, është arritur konsensus për deklaratën e samitit të liderëve të G20 në Nju Delhi", tha Modi.
Shtetet e Bashkuara janë duke planifikuar dërgimin e raketave me rreze të gjatë veprimi Atacms në Ukrainë për herë të parë. Këto raketa do përfshihen në paketën e ardhshme të ndihmës edhe pse vendimi përfundimtar nuk është marrë akoma. Me një rreze veprimi deri në 190 milje, në varësi të versionit, vendosja e Atacms mund t'i lejojë Ukrainës të arrijë objektivat gati katër herë më larg se raketat e furnizuara aktualisht për sistemet e saj të raketave të artilerisë me lëvizshmëri të lartë të prodhuar në SHBA.
Lajm në përditësim...
Numri i viktimave ka shkruar 74 nga sulmi i djeshëm me raketa ruse kundër Kryvyi Rih, e cila është vendlindja e Presidentit ukrainas, Volodymyr Zelensky, në rajonin e Dnipropetrovsk.
Këtë gjë e bëri të ditur kreu i Këshillit të Mbrojtjes të qytetit, Oleksandr Vilkul.
Tre nga të lënduarit janë në gjendje të rëndë, theksoi Vilkul.
Rusia sulmoi qytetin me një raketë balistike Iskander, e cila shkaktoi edhe një vdekje. Ditën e djeshme edhe Ukraina sulmoi vendlindjen e Putin, Stalingardin, ku një ndërtesë e pabanuar u përfshi nga flakët.
Grupi G20 ka dënuar "përdorimin e forcës" në Ukrainë për pushtime "territoriale".
Kjo gjë është përmendur gjatë deklaratës përfundimtare nga Grupi G20, e cila nuk përmend në mënyrë të qartë agresionin e Rusisë.
Nga ana tjetër, liderët denoncojnë se "krizat" përbëjnë një kërcënim për rritjen afatgjatë globale.
Në fjalimin e tij në Samitin e G20, presidenti i Këshillit Evropian, Charles Michel, tha se ata janë përballur me sfida titanikësh dhe se për një të ardhme më të mirë ata duhet të luftojnë ata që fillojnë luftërat e papërgjegjshme.
"Ne jemi përballur me sfida titanike. Ne duhet të luftojmë për një të ardhme më të mirë dhe të përfundojmë një marrëveshje paqeje me natyrën. Ne duhet të luftojmë gjithashtu ata që bëjnë luftëra të papërgjegjshme me pasoja globale", shkroi Michel në X, ish-Twitter.
Charles tha se Pandemia Covid-19 e ka vënë njerëzimin në provë duke zbuluar dobësitë e botës.
"Pandemia e Covid-19 e ka vënë njerëzimin në provë, duke zbuluar dobësitë e botës. Dhe një luftë e nisur nga një anëtar i përhershëm i Këshillit të Sigurimit kundër Ukrainës ka nisur prej disa kohësh. Një luftë që vë në provë është një botë e bazuar në rregulla që janë trashëgimi e Kartës së Kombeve të Bashkuara, e cila e konsideron sovranitetin dhe integritetin territorial si parime që garantojnë paqen, sigurinë dhe stabilitetin”, shkroi Michel.
Ai gjithashtu shkroi se ata duan një të ardhme më të mirë për brezat e ardhshme. Michel tha se ata duhet të luftojnë për paqen me natyrën dhe luftën kundër ndryshimeve klimatike.
“Ne duam një të ardhme më të mirë për brezat që na pasojnë. Ne duhet të luftojmë për paqen me natyrën, luftën kundër ndryshimeve klimatike. Por duhet të luftojmë edhe kundër atyre që fillojnë luftërat në një mënyrë krejtësisht e papërgjegjshme. Kjo ka një ndikim që shkon përtej sigurisë së kontinentit evropian. Ka një ndikim në të gjithë botën. Ajo ndikon në energjinë, inflacionin dhe përkeqëson sigurinë energjetike”, shkroi Michel.
Ministri i Jashtëm japonez, Yoshimasa Hayashi, ndodhet në Ukrainë për një vizitë të paparalajmëruar, me qëllim shprehjen e mbështetjes për Kievin në luftën e tij kundër agresionit rus.
Kjo është vizita e parë e një ministri të jashtëm japonez në Ukrainë që kur Moska filloi pushtimin e saj.
Udhëheqësit e G20 arritën një konsensus mbi deklaratën përfundimtare në samitin e Delhi, tha kryeministri Indian, Narendra Modi.
"Kam marrë një lajm të mire. Falë punës së palodhur të ekipit tonë, është arritur konsensus për deklaratën e samitit të liderëve të G20 në Nju Delhi", tha Modi.
Ai gjithashtu falenderoi ministrat që punuan shumë për të arritur këtë qëllim dhe e bënë atë të mundur
“Njoftoj se miratoj këtë deklaratë dhe përgëzoj ministrat që punuan shumë për të arritur këtë qëllim dhe e bënë të mundur”, tha Modi.
Presidenti ukrainas Volodymyr Zelensky shprehu shpresën e tij në Telegram për forcimin e mëtejshëm të sanksioneve ndaj sektorëve energjetike, financiare dhe bankave ruse.
"Është e rëndësishme të forcohen sanksionet kundër sektorëve energjetik, financiar dhe bankar të terroristëve rusë. Është e nevojshme të bllokohet furnizimi i Moskës i të gjithë komponentëve dhe pjesëve rezervë të përdorura për prodhimin e raketave dhe dronëve”, tha Zelensky.
Në Telegram, Zelensky postoi edhe foto të takimit të zhvilluar me drejtorin e Institutit Freeman Spogli për Studime Ndërkombëtare (FSI), ambasadorin Michael McFaul, i cili së bashku me kreun e zyrës presidenciale të Ukrainës, Andri Yermak, drejton grupin e sanksioneve kundër Rusisë.
Një grup i cili, me sanksione, "ka prodhuar tashmë rezultate të rëndësishme", theksoi përsëri Zelensky, duke thënë se ai ishte "i sigurt" se presioni më i madh ndaj Moskës do t'i lejojë Kievit "të mposhtte më shpejt terrorin rus".
Në një video të publikuar nga Kremlini në ditën e dytë të zgjedhjeve rajonale, presidenti rus, Vladimir Putin, bëri të ditur se kishte votuar në internet, direkt nga zyra e tij dhe shpresonte që rusët të ndiqnin shembullin e tij.
“I ftoj banorët e rajoneve ku po zhvillohen zgjedhjet të marrin pjesë”, tha Putin, duke nënvizuar se proçedurat e votimit sot janë “sa më komode”.
Raundi zgjedhor do të lejojë zgjedhjen e guvernatorëve, deputetëve rajonalë dhe këshilltarëve të qytetit.
Zgjedhjet organizohen në tre ditë, sipas autoriteteve, për të lejuar sa më shumë votues të votojnë.
Kryeministrja italiane, Giorgia Meloni, tha se Moska po e përdor energjinë si shantazh ndaj luftës në Ukrainë.
Meloni e bëri këtë deklaratënë samitin e G20 e cila po mbahet në Nju Dehli, Indi.
Ajo tha se bota po vazhdon të përballet me efektet e krizës së shkaktuar nga lufta në Ukrainë.
“Lidhja klimë-energji është gjithnjë e më e rëndësishme në një kohë kur bota po vazhdon të përballet me efektet e krizës së shkaktuar nga lufta në Ukrainë dhe përdorimi i furnizimeve me energji po përdoret si një armë shantazhi nga Moska", tha Meloni.
Lajme të tjera
-
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38
