SHBA: Refuzimi i Kremlinit për të përjashtuar opsionin bërthamor është i rrezikshëm

Pentagoni ka dënuar refuzimin e një zëdhënësi të Kremlinit më herët të martën për të përjashtuar përdorimin e armëve bërthamore gjatë konfliktit në Ukrainë.

Dmitry Peskov i tha CNN International se armë të tilla mund të përdoren nëse Rusia përballet me një "kërcënim ekzistencial". Rusia ka stokun më të madh në botë të armëve bërthamore.

Zëdhënësi i Departamentit të Mbrojtjes, John Kirby tha se komentet bërthamore të Moskës ishin "të rrezikshme".

"Kjo nuk është mënyra se si duhet të veprojë një fuqi e përgjegjshme bërthamore," u tha ai gazetarëve.

Por Kirby shtoi se zyrtarët e Pentagonit "nuk kanë parë asgjë që do të na çonte në përfundimin se duhet të ndryshojmë qëndrimin tonë strategjik parandalues".

“Ne e monitorojmë këtë sa më mirë që mundemi çdo ditë”, shtoi ai.

Putini vuri në gatishmëri të posaçme forcat bërthamore të vendit të tij më 27 shkurt, por zyrtarët perëndimorë të mbrojtjes thanë më pas se nuk kishin parë ndonjë shenjë të rëndësishme të mobilizimit të bombarduesve, raketave dhe nëndetëseve strategjike ruse.
 

Lajmi kryesor:

Vritet një gazetare ruse në Kiev! Zelensky-Biden: Jo sanksione për Abramovich, ai mund të ndërmjetësojë! Putin-Europës: Nëse doni gaz, paguani vetëm me rubla

G.B./Shqiptarja.com

TAG:
• ukraine
• Rusi
• rusia sulmon ukrainen