Komisioni për Marrëdhënie me Jashtë i Dhomës së Përfaqësuesve, miratoi një rezolutë, me të cilën i kërkohet Serbisë që të verë para drejtësisë vrasësit e tre vëllezërve Bytyçi, shtetas amerikanë, në vitin 1999, ndërsa bën thirrje që përparimi në ndriçimin e këtij rasti të jetë “faktor i rëndësishëm që përcakton zhvillimin e mëtejshëm të marrëdhënieve ndërmjet Shteteve të Bashkuara dhe Serbisë”.
Në Rezolutën e Komisionit për Marrëdhënie me Jashtë thuhet se “Shtetet e Bashkuara duhet t’u kushtojnë vëmendje përpjekjeve të qeverisë së Serbisë dhe ministrave të saj përkatës, si dhe zyrtarëve të tjerë, të cilët po ndërmarrin hapa për të hetuar dhe ndjekur penalisht personat që besohet se janë përgjegjës për vrasjen e vëllezërve Bytyçi. Përparimi në zgjidhjen e këtij rasti, ose mungesa e vullnetit, duhet të jenë faktor i rëndësishëm në përcaktimin e zhvillimit të ardhshëm të marrëdhënieve ndërmjet Shteteve të Bashkuara dhe Serbisë”, thuhet mesa tjerash në dokument.
Familjarët e vëllezërve Bytyçi, mirëpritën rezolutën dhe vlerësuan angazhimin e kryetarit të këtij komisioni, Eliot Engel dhe ligjvënësit Lee Zeldin, në mbështetje të kërkesave të familjes për të vënë drejtësinë.
Ylli, Agron dhe Mehmet Bytyçi, ishin pjesëtarë të ish Ushtrisë Çlirimtare të Kosovës, përkatësisht të batalionit Atlantiku, i përbërë nga shqiptarë që jetonin në Shtetet e Bashkuara, e të cilët ju bashkuan luftës në Kosovë.
Në muajin korrik të vitit 1999 ata janë arrestuar në rrethana të panjohura nga forcat serbe në afërsi të vendkalimit kufitar ndërmjet Kosovës dhe Serbisë në Merdarë.
Një gjykatë në qytetin e Prokuples në Serbi, i kishte dënuar me nga 15 ditë heqje lirie nën akuzat për siç është thënë, kalim të paligjshëm të kufirit të ish Jugosllavisë.
Trupat tyre u gjetën në në një varrezë masive në Petrovo Selo në Serbinë lindore, në një bazë të kontrolluar nga njësitë që komandoheshin nga ish gjenerali i policisë serbe, Goran Radosavleviç, i njohur si Guri. Ata ishin me duar të lidhura dhe ishin qëlluar në kokë.
Lajme të tjera
-
Protestuesit serbë bllokojnë dy vendkalime kufitare me Kosovën, Prishtina mbyll Bërnjakën dhe Merdarën! Sveçla: Ekstremistë serbë me qasje fashiste
6 Shtator, 19:27 -
Serbia arreston kosovarin në Merdarë, e akuzon për krime lufte, ministria e Jashtme njofton shtetet e QUINT-it: Veprim arbitrar dhe destruktiv
2 Qershor, 09:57 -
Zbulohet arsenal armësh në një makinë në Merdarë, Beogradi: Ishte me targa të Kosovës
7 Janar, 08:18 -
'Kufiri i incidenteve' mes Kosovës dhe Serbisë
17 Qershor 2023, 09:28 -
Dhjetëra kamionë nga Serbia presin në Merdare për të kaluar kufirin me Kosovën
15 Qershor 2023, 13:14 -
Kosovë, lirohen tre qytetarët e arrestuar nga Serbia në Merdar
15 Qershor 2023, 13:10 -
Serbia arrestoi tre qytetarë të Podujevës në Merdarë, Familjari: Policia serbe më tha se u prangosen se janë shqiptarë
14 Qershor 2023, 18:21 -
19 ditë barrikada, mbyllet kufiri edhe në Merdarë! Kurti: S'negociojmë me kriminelë! Lirohet ish polici serb! SHBA-ja dhe BE: Po punojmë për zgjidhje politike
28 Dhjetor 2022, 07:28 -
Ambasada e SHBA në Beograd: Nuk do ta harrojmë kurrë vrasjen e vëllezërve Bytyçi, kërkojmë përgjegjësit
8 Korrik 2021, 14:23 -
Kokalari i dorëzon kongresmenit të SHBA, dosjen e Sali Berishës: Ju kanë keqinformuar njerëzit e “Vatrës”, ja provat që e gozhdojnë atë dhe familjen e tij
21 Qershor 2021, 09:10 -
Një kongresmen dhe një gazetë periferike në Uashington, si po lobon dëshpërimisht Berisha në SHBA, kundër shpalljes non grata
8 Qershor 2021, 11:33 -
Kongresmeni republikan letër DASH: Dua informacion të detajuar për shpalljen 'non grata' të Sali Berishës
8 Qershor 2021, 10:50
