POP 5

Lajmet më të lexuara të 5 minutave të fundit

Bota

SHBA, Trump nxiton për shpëtimin e TikTok, rrjeti rikthehet në funksionim: Dekreti për të bllokuar ndalimin të hënën!

Presidenti i zgjedhur Donald Trump tha se do të “zgjaste periudhën kohore përpara se ndalesat e përcaktuara nga ligji të hyjnë në fuqi, në mënyrë që ne të arrijmë një marrëveshje për të mbrojtur sigurinë tonë kombëtare”

SHBA, Trump nxiton për shpëtimin e TikTok, rrjeti rikthehet në funksionim: Dekreti për të bllokuar ndalimin të hënën!

Presidenti i sapozgjedhur amerikan, Donald Trump dhe TikTok

‘TikTok-u’ njoftoi të dielën se po rikthehej në funksion pasi Presidenti i zgjedhur Donald Trump tha se do të rikthente qasjen në këtë aplikacion në Shtetet e Bashkuara kur të merrte detyrën të hënën.

Deklarata u bë pasi përdoruesit amerikanë njoftuan se ishin në gjendje të hynin në faqen e internetit të aplikacionit në pronësi kineze. Megjithatë, vetë aplikacioni ‘TikTok’ nuk dukej se mund të përdorej menjëherë.

“Në marrëveshje me ata që ofrojnë shërbimet tona, TikTok është në proces të rikthimit në funksionim”, tha platforma e mediave sociale në një deklaratë. Ajo gjithashtu falënderoi zotin Trump për “ofrimin e qartësisë dhe garancisë së nevojshme për ata që ofrojnë shërbimet tona për mbi 170 milionë amerikanë se nuk do të përballen me ndonjë ndëshkim dhe që lejon mbi 7 milionë biznese të vogla të lulëzojnë”.

‘TikTok-u’ ndaloi së funksionuari për 170 milionë përdoruesit e tij amerikanë të shtunën në mbrëmje pak para se të hynte në fuqi ligji për mbylljen e tij, për arsye të sigurisë kombëtare. Zyrtarët amerikanë kishin paralajmëruar se nën kompaninë mëmë kineze ByteDance, ekzistonte rreziku që të dhënat e amerikanëve të keqpërdoreshin.

Presidenti i zgjedhur Donald Trump tha se do të “zgjaste periudhën kohore përpara se ndalesat e përcaktuara nga ligji të hyjnë në fuqi, në mënyrë që ne të arrijmë një marrëveshje për të mbrojtur sigurinë tonë kombëtare”.

“Unë do të doja që Shtetet e Bashkuara të kenë mbi 50% pronësi”, shkroi ai në rrjetin social ‘Truth’.

Zoti Trump tha se urdhëri ekzekutiv i tij do të sqaronte se nuk do të kishte asnjë përgjegjësi për ndonjë kompani që ndihmoi TikTok-un të mos ndalonte së funksionuari, përpara urdhrit të tij.

Presidenti i zgjedhur Trump kishte thënë më herët se sipas të gjitha gjasave do t'i jepte platformës së mediave sociale ‘TikTok’ afat 90-ditor nga ndalimi, pasi të merrte detyrën. ‘TikTok-u’ e përmendi këtë zotim të zotit Trump në njoftimin e publikuar për përdoruesit në aplikacion.

“Një ligj që ndalon TikTok-un është miratuar në Shtetet e Bashkuara. Për fat të keq, kjo do të thotë që ju nuk mund të përdorni TikTok-un për momentin. Jemi me fat që Presidenti Trump ka treguar se ai do të punojë me ne për një zgjidhje për të rikthyer në funksionim TikTok-un, sapo të marrë detyrën”, thotë mesazhi që njoftoi përdoruesit e platformës së mediave sociale.

Edhe nëse është e përkohshme, mbyllja e paprecedentë e ‘TikTok-ut’ do të ketë një ndikim të gjerë në marrëdhëniet SHBA-Kinë, politikën e Shteteve të Bashkuara, tregun e mediave sociale dhe miliona amerikanë që varen nga aplikacioni ekonomikisht dhe nga pikëpamja kulturore. /VOA/

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 19/01/2025 21:23

    I bere edhe ca miliarda me Trump Coin or teeeejjjjj

    Përgjigju
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Momente tensioni në 'Elbasan Arena', ka të lënduar! Policia shoqëron disa tifozë

Momente tensioni në 'Elbasan Arena', ka të lënduar! Policia shoqëron disa tifozë

19 Janar, 22:37