SHBA - Një tjetër masakër ka ndodhur në SHBA nga përdorimi i armëve të zjarrit. Një 45 vjeçar i armatosur ka hyrë në një gjykatë dhe hapi zjarr, duke vrarë dy gra.

Nga shkëmbimi i zjarrit në gjykatë u plagosën dy policë dhe mbeti i vrarë edhe vrasësi. Vrasësi është 45 vjeçari David T. Matusiewicz i dënuar më parë për mashtrim bankar dhe rrëmbim.

45 vjeçari hyri në një gjykatë të qarkut të New Castle të shtetit Delawere dhe hapi zjarr duke vrarë ish bashkëshorten e tij e tij dhe një grua tjetër.

Në vendin e masakrës kanë mbërritur menjëherë dhjetëra makina policie, të cilat kanë bllokuar të gjithë zonën dhe kanë evakuuar gjykatën.

Besjan Malo/shqiptarja.com