Presidenti amerikan, Joe Biden e ka nënshkruar më 22 dhjetor një urdhër ekzekutiv që i hap rrugën Uashingtonit për të vendosur sanksione në institucionet financiare që i ndihmojnë Rusisë për t’iu shmangur sanksioneve të vendosura ndaj saj, për shkak të luftës në Ukrainë.
Urdhri i ri ekzekutiv e bën të qartë që disa banka dhe institucione financiare përballen me sanksione të rënda nëse nuk u japin fund transaksioneve të njerëzve dhe subjekteve që janë në listën e sanksioneve amerikane, sidomos ata që janë të lidhur me Ministrinë ruse të Mbrojtjes, ka thënë Shtëpia e Bardhë.
“Ne po dërgojmë mesazh të pagabueshëm: secili që mbështet luftën e Rusisë, është në rrezik të humbjes së qasjes në sistemin financiar amerikan”, ka thënë Këshilltari amerikan për Siguri Kombëtare, Jake Sullivan, përmes një deklarate.
Sekretari amerikan i Shtetit, Antony Blinken, ka thënë përmes një deklarate se urdhri u mundëson Shteteve të Bashkuara të shënjestrojnë edhe institucione jashtë Rusisë, të cilat lehtësojnë transaksionet në emër të sektorit rus të mbrojtjes.
“Urdhri i ri u jep Shteteve të Bashkuara autoritet për të ndaluar importin në Shtetet e Bashkuara të disa mallrave të prodhuara në Rusi, qoftë edhe nëse janë dërguar fillimisht në një shtet të tretë”, ka thënë Blinken.
Urdhri vë theksin te nevoja që institucionet financiare në gjithë botën “të sigurohen se nuk janë të përfshira në aktivitete që ndihmojnë Rusinë dhe të jenë më vigjilente për të parandaluar mundësinë që të shfrytëzohen prej rrejtit të prokurimit të Rusisë”, ka thënë ai.
Urdhri i ri ekzekutiv është pjesë e fushatës amerikane për t'i shtypur përpjekjet për ikje nga sanksionet.
Muajve të fundit, Departamenti amerikan i Thesarit ka vendosur sanksione ndaj individëve dhe entiteteve në Emiratet e Bashkuara Arabe, Turqi, Hong Kong dhe Kinë, duke i akuzuar për ndihmë ndaj Rusisë për t’iu shmangur sanksioneve.
Lufta e plotë e Rusisë në Ukrainë ka nisur më 24 shkurt 2022.
Putin e quan luftën si “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL
Lajme të tjera
-
Shtetet e Bashkuara i kërkojnë Ukrainës të rrisë mobilizimin ushtarak për të luftuar Rusinë
28 Nëntor, 08:16 -
Lufta/ Izraeli bashkëpunim me SHBA për të parandaluar Iranin nga destabilizimi i rajonit
28 Nëntor, 08:07 -
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53
