POP 5

Lajmet më të lexuara të 5 minutave të fundit

Bota

SHBA-ja këshillon Izraelin të shtyjë ofensivën tokësore në Gazë

Shtetet e Bashkuara kanë këshilluar zyrtarët izraelitë që një vonesë në ofensivën e mundshme tokësore në Gazë, do t’i mundësonte më shumë kohë Uashingtonit që të punojë me partnerët rajonalë për lirimin e më shumë pengjeve.

SHBA-ja këshillon Izraelin të shtyjë ofensivën tokësore në Gazë

Shtetet e Bashkuara kanë këshilluar zyrtarët izraelitë që një vonesë në ofensivën e mundshme tokësore në Gazë, do t’i mundësonte më shumë kohë Uashingtonit që të punojë me partnerët rajonalë për lirimin e më shumë pengjeve.

Kështu tha një zyrtar amerikan që është në dijeni me qëndrimin e administratës së presidentit Joe Biden, për këtë çështje.

Zyrtari, i cili foli në kushte anonimiteti, tha se është e paqartë se cili është qëndrimi i Izraelit për këtë kërkesë.

Zyrtari amerikan theksoi se me ndihmën e Katarit si ndërmjetësues me militantët e Hamasit, u bë i mundur lirimi i dy pengjeve, Judith dhe Natalie Raanan.

Procesi për lirimin e tyre, sipas zyrtarit, nisi pak pasi Hamasi kreu sulmet vdekjeprurëse ndaj Izraelit më 7 tetor.

Zyrtarët izraelitë kanë thënë se Hamasi ka marrë mbi 222 persona pengje dhe i ka dërguar në Gazë.

Izraeli i është kundërpërgjigjur ashpër sulmeve të befasishme të Hamasit, duke bombarduar Rripin e Gazës, ku jetojnë 2.3 milionë palestinezë.

Izraeli po ashtu është zotuar se do të kryejë një sulm tokësor, por nuk ka treguar se kur do të ndodhë./ REL

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Nga ankthi te çrregullimi i gjumit, ja arsyet përse zgjoheni të lodhur në mëngjes

Nga ankthi te çrregullimi i gjumit, ja arsyet përse zgjoheni të lodhur në mëngjes

24 Janar, 13:52