'Shefat e policisë dreka e darka me kriminelë', Meta para protestuesve: Rama tmerrohet nga fjala e lirë (Ndërpret fjalën për të dëgjuar Berishën nga Kuvendi)

 

Kryetari i Partisë së Lirisë, Ilir Meta ka mbajtur fjalën e tij para protestuesve të cilët janë mbledhur para Kuvendit. Ai tha se deputetët e opozitës dhe protestuesit e mbledhur, përfaqësojnë 750 mijë vota të marra në zgjedhjet e 25 prillit.

“Ju përshëndes për këtë demonstrim kaq paqësor, për këtë qytetari të jashtëzakonshme, parlamenti është shtëpia e përfaqësuesve. Ju këtu dhe të gjithë ne përfaqësojmë të paktën 750 mijë vota të certifikuara në 25 prill pavarësisht nga vjedhja që ka bërë ky regjim. Këta janë të tmerruar nga fjala e opozitës”-tha Meta.

LEXO EDHE:
Cili do ta tradhtojë i pari tjetrin, Iliri apo Monika?

Ai foli për keqpagimin e oficerëve të policisë dhe akuzoi se disap rej tyre takoheshin me persona që kishin precedentë kriminalë. 

"Policët tanë paguhen më keq në rajonin tonë. Shefat e tyre janë të besuar dhe janë në mes të ditës e natës me trafikantë të drogës dhe kriminelë"-shtoi ai. 

Në momentin që Berisha mbante fjalën në Kuvend, Meta ndërpreu fjalën e tij në mënyrë që të dëgjonin çfarë po thoshte ish kryeministri. 

Lajmi kryesor:

Pak protestues para Kuvendit, disa tentojnë të çajnë kordonin policor! Berisha kërcënon: Gati të futen në sallë, janë heronj, të enjten sërish këtu

B.V/KT/Shqiptarja.com

TAG:
• Ilir Meta