Shefi i OKB-së kritikon 'lakminë groteske' të firmave të naftës dhe gazit: Qeveritë t’i taksojnë për fitimet ekstra marramendëse

TIRANË- Sekretari i Përgjithshëm i OKB-së Antonio Guterres u ka bërë thirrje shteteve që të takstojnë me taksa të veçanta të gjitha kompanitë e naftës, në këto kohë krize. Guterres tha se ishte "imorale" që këto firma të përfitojnë nga kriza.

Pushtimi rus i Ukrainës në shkurt ka përkeqësuar mungesën globale të naftës dhe gazit, duke ndërprerë aksesin me karburant nga Rusia - një nga furnizuesit kryesor e për pasojë duke rritur çmimet.

Teksa familjet po përballen me fatura më të larta, kompanitë po korrin përfitime. 4 nga firmat më të mëdha të energjisë - Exxon, Chevron, Shell dhe TotalEnergies fituan rreth 51 miliardë dollarë në tremujorin e fundit - pothuajse dyfishi i asaj që fituan në të njëjtën periudhë të vitit të kaluar.

"Kjo lakmi groteske po ndëshkon njerëzit më të varfër, ndërsa shkatërron shtëpinë tonë të vetme të përbashkët. Unë u bëj thirrje të gjitha qeverive të tatojnë këto fitime të tepërta dhe të përdorin fondet për të mbështetur njerëzit në këto kohë të vështira”, tha Guterres.

B.K./Shqiptarja.com

TAG:
• Antonio Guterres
• OKB