POP 5

Lajmet më të lexuara të 5 minutave të fundit

Sociale

Shëngjin,familja në varfëri ekstreme
OSHEE i ndërpret edhe energjinë

Një familje prej 5 anëtarësh në Shëngjin është e detyruar të jetojë mes vuajtjeve dhe varfërisë. Angje Prenga prej një viti ka humbur plotësisht shikimin për shkak të sëmundjes, ndërsa bashkëshorti i saj i papunë, detyrohet të mbajë gjallë 4 anëtarët e tjerë të familjes. Situata vështirësohet edhe më tepër për ta, pasi pak kohë më parë atyre iu ndërpre energjia elektrike pasi ishin debitorë.   VIDEO
Shëngjin,familja në varfëri ekstreme<br />OSHEE i ndërpret edhe energjinë
Varfëri ekstreme, të sëmurë dhe sëfundmi pa energji elektrike. Kjo është situata me të cilën përballen 5 anëtarë të familjes Prenga të cilët jetojnë në një banesë në qytetin e Shëngjinit, që vetëm emrin ka të tillë, pasi nuk ka kushtet minimale për të jetuar.
 
Situata e kësaj familje është një dramë njerëzore. Zonja e shtëpisë, Angje Prenga ka një sëmundje kronike, ndërsa prej më shumë se 1 viti ka humbur plotësisht shikimin.
 
Sikur të mos mjaftonte gjendja e rëndë ekonomike, tashmë ju duhet të jetojnë edhe në errësirë, pasi prej disa javësh i’u është ndërprere energjia elektrike, për shkak se rezultojnë debitor.
 
Kryefamiljari Arben Prenga rrëfen se jeta e familjes së tij mbetet një kalvar vuajtjesh dhe mundimesh, ndërsa e vetmja e ardhur për familjen e tij është ndihma ekonomike prej 40 mijë lekesh, para të cilat nuk i dalin as për ilaçet e bashkëshortes.

“Në radhë të parë është shëndeti i nuses time, që është shumë e sëmurë prej 5 vitesh. Halli tjetër i madh është se prej ditësh na i kanë ndërprerë dritat. Nuk i kam paguar pasi kam të ardhura 4 mijë lekë në muaj, unë jam papunë, fëmijët i kam të vegjël, çfarë të bëj?” tha ai.

Arbeni bën apel që ti rikthehet energjia, pasi shprehet se faturat i ka lënë pa paguar ngaqë nuk ka pasur mundësi dhe nuk ka arritur të gjejë para borxh për ti shlyer. Dhe ndërprerja e energjisë i ka vështirësuar më tepër kushtet e familjes së tij.

“Unë kërkoj nga shteti që të vërë dorën në zemër dhe të vijë e të mi lidhë dritat. Nëse punoj unë mund ti paguaj, por nuk kam ku ti marr” tha ai.
 
OSHEE ka bërë të ditur se familja në fjalë ka një debi prej 3 milion lekesh, të cilat janë akumuluara prej vitesh. Rasti i kësaj familje kërkon një reagim të menjëhershëm të institucioneve përgjegjëse dhe të mbarë shoqërisë për t’iu ardhur sadopak në ndihmë.

Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Projeksionet e Fox News: Vota në 19 shtete, 105 vota elektorale për Trump dhe 72 për Kamala Harris! Gara e fortë

Projeksionet e Fox News: Vota në 19 shtete, 105 vota elektorale për Trump dhe 72 për Kamala Harris! Gara e fortë

6 Nëntor, 02:13