Shpërthimi, të cilin e paralajmëroi TV-Rithemelimi përmes intervistës së Arben Ahmetajt, nuk ndodhi. Ish-krahu i djathtë i Edi Ramës nuk kishte asnjë bombë për të hedhur dhe në fund, e gjithë intervista u katandis, në një përpjekje të dëshpëruar për t’u konsideruar një viktimë e një komploti politiko-mediatiko-gjyqësor duke shpresuar në këtë mënyrë të përfitojë azil politik në vendin që e strehon. Asnjë dokument, asnjë fakt, vëtëm aludime dhe insinuata me të cilat Rithemelimi na ka mbushur kokën prej vitesh. Megjithatë disa gjëra i tha, që edhe pse nuk ishin një shpërthim, përbëjnë gjithësesi lajm interesant. Përveç faktit që zbuloi se ishte strehuar në një shtëpi komunale (me shumë gjasa në Zvicër) si një azil-kërkues i çfarëdoshëm ekstrakomunitar (pavarësisht 2 milionët e dollarëve të deklaruar si pasuri zyrtare dhe të fituara në kohën kur shiste trafik telefonik), Arben Ahmetaj pohoi (pa e ditur) se ishte vetë ai burimi politiko-mediatik i dosjes së inceneritorit për të cilën në fund e kanë inkriminuar. Një viktimë kolaterale e vetvetes.
Terreni i parë ku rrëshkiti është fakti se edhe pse ishte protagonist i ngjarjes (qoftë edhe vetëm si ministër apo si zëvendëskryeministër dhe jo si i përfshirë) u shtir se nuk dinte asnjë informacion të drejtpërdrejtë nga ajo aferë, por tregoi si burim të akuzave të tij dy "hetuesit" e Rithemelimit që prej 3 vitesh jetojnë me denoncimet pikërisht të prapaskenave të skandalit të inceneratorëve. Që të dy të kujdesshëm të akuzojnë cilindo, përveç Arben Ahmetajt, të cilin, përkundrazi, janë sforcuar ta mbrojnë gjithmonë. Dhe ky është një fakt shumë i dyshimtë. Pra, bomba që dispononte Arben Ahmetaj dhe në këmbim të së cilës ra dakord për intervistën në televizionin e Berishës, ishin në fakt disa përralla që ai vetë ia kishte treguar dy "hetuesve" të cilët duke mos qenë të besueshëm, kur i bënë publike, nuk arritën dotë të bëjnë asnjë shpërthim. Tani e provoi ai vetë. Arben Ahmetaj i informon prej një kohe të gjatë dy "hetuesit", duke i furnizuar me dokumenta dhe interpretime fantazioze (dhe me të ngjarë edhe i paguan për të dalë me fytyrën e tyre dhe në një portal periferik), por meqë bashkëpunëtorët e tij me pagesë nuk janë të besueshëm, zbriti në mejdan ai vetë për të përsëritur të njëjtat gjëra. Kjo ka qenë edhe një nga kushtet e TV-Rithemelimit për të bërë këtë “intervistë ekskluzive”.
Në realitet nëse televizioni i Berishës kishte si qëllim kryesor ta detyronte Arben Ahmetajn të shqiptonte me zërin e tij akuza kundër Edi Ramës dhe Erjon Veliajt, deri tani të bëra vetëm nga Rithemelimi, objektivi i Ahmetajt ishte të arrijë marrjen e azilit politik duke u prezantuar si një viktimë e një makinacioni politiko-mediatiko-gjyqësor që e ka kërcënuar deri me vdekje. Ekzistenca e persekutimit politik dhe gjyqësor në atdhe bashkë me kërcënimet me vdekje, përbëjnë dy nga shtyllat thelbësore për të marrë azil politik, veçanërisht në një vend si Zvicra që i ka dhënë azil politik edhe një afaristi (në kërkim) si Rezart Taçi. Se si mund të dëshmojë që SPAK (prokuroria e krijuar dhe monitoruar nga amerikanët) është vegël e qeverisë për të shkeluar të drejtat e tij të njeriut, mbetet ende mister. Por duke ripërsëritur dhjetëra herë përgjatë intervistës së është kërcënuar me vdekje (duke premtuar edhe një intervistë të dytë “vetëm nëse do jem akoma gjallë”), Arben Ahmetaj tregoi lidhjet sekrete me Sali Berishën, ku prej kohësh është bërë informator i tij.
Ai që zbuloi për herë të parë kërcënimin me vdekje të Arben Ahmetajt ishte pikërisht Sali Berisha në një deklaratë publike me 3 gusht 2023. Berisha e përshkruante skemën e kërcënimeve saktësisht në të njëjtën mënyrë si e tha dje Arben Ahmetaj, pra me një telefonatë të bërë nga burgu dhe më pas kërcënimet telefonike ndaj familjes dhe gruas që kujdesej për fëmijën e tij. Ahmetaj nuk ka bërë asnjëherë as kallëzim në polici për këto kërcënime. Përse? Tani pyetja është e thjeshtë: Si është e mundur që Sali Berisha ishte i informuar i pari 5 muaj më parë? Përgjigja nuk lë hapësirë për keqkuptime: Ose kërcënimet i ka bërë vetë Sali Berisha, ose ka qenë vetë Arben Ahmetaj që e ka informuar. Ne i besojmë hipotezës së dytë. Pra është Berisha "hetuesi" i tretë të cilit Ahmetaj i ka besuar rrëfimet e tij (i dyti është Belind Këlliçi, ndërsa i treti nuk mund të përmendet për shkak të privatësisë, pasi është një njeri i sëmurë me probleme mendore).
Monologu i mbrëmshëm i Arben Ahmetajt, pa pyetje dhe pa kundërshtime, sjell në mendje monologun televiziv të Argita Berishës për t’u shfajësuar pa oponencë nga akuzat e SPAK. Të dy mundën të gënjejnë haptazi me bashkëpunimin e dukshëm të intervistuesit të tyre. E megjithatë siç e pamë (në ndryshim nga Argita që përveç ndonjë gafe nuk i shpëtoi asnjë sekret) Arben Ahmetaj pa e pasur mendjen, zbuloi mëkatin e tij: Pra që është ai informatori politiko-mediatik në skandalin e inceneratorëve dhe duke treguar urrejtjen e tij për Erjon Veliajn që e përjashtoi nga projekti i Tiranës (ja pse si ministri e refuzoi), konfirmoi atë që dyshohej prej kohësh, domethënë se kjo është arsyeja e saktë pse ministri nxorri nga sistemi i kryeministrisë informacionet e duhura dhe për hakmarrjen dorëzoi gjithë dokumentat që dispononte duke u shndërruar në një bashkëpunëtor-i papenduar i hetuesisë së Rithemelimit. Ky fakt u konfirmua sot edhe nga vetë Sali Berisha i cili edhe nje here është betuar mbi pafajsinë e ish zv.kryeministrit: ''Me fjalën e tij mbrëmë, në intervistën e tij, Arben Ahmetaj foli shumë. Pati sot tek, tuk gazetarë që shkruan se nuk paraqiti fakte. Të dashur gazetarë dhe gazetare, dokumentet, faktet zyrtare i ka paraqitur gjatë një periudhe nga korriku gjer sot, me qindra dokumente PD-ja'' deklaori Berisha.
Pra pse duhet të kerkojmë dokumenta të tjera nga Arben Ahmetaj nese ato qe ka patur i ka dorezuar prej kohesh si bashkepunetor i papenduar i hetuesisë berishane? Nëse ky lloj bashkëpunëtori meriton azil politik, atëherë mund të themi se intervista e tij qëlloi në shenjë.
Komente
Lajme të tjera
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14
Njeriu nr 2 i qeverise Rama. si eshte e mundur ?
PërgjigjuAhmetaj: Tani do me falni pak se po me presin ca loje tek kazinoja me e afert or teeeejjjjj
O qimooooo!!!
Përgjigjumafia rama veliaj duhej te ishte ne spak qe dje
PërgjigjuIntervista e Ahmetaj ishte nje BABALE Nr. 2 apo 3, nje kopje Salianji. Ky Ish, le te shkoje ne Spak, askush nuk e ngacmon, bile e ruajne me shume. Te shohim si bilbilos atje, ku eshte organi qe edhe ai vete e ka miratuar. Le te mbroje vilat, qindra mijra dollaret e fshehur ne aspiratore etj. Tani u zhvleresua. Mund te kete edhe nje pakt midis Qeverise sone dhe zviceraneve per "mbrojtjen" e tij nga vrasja. Gabimi eshte i Rames: nuk futen perkthyesa anglishteje, sidomos tani, kur edhe gjimnazistet dijne anglisht me mire se ai. Ka me dhjetra profesioniste te afte, ekonomista, financiere, financial engineering etj, qe punojne ne kompanite me te medha ne USA, Angli. Nga cfare ka frike Rama, duhet vendosmeri ti vendose ne postet me kyce dhe ti degjoje dhe jo e kunderta, ata te degjojne Ramen. Shqiperia ka kapital njerezor te jashtezakonshem jashte, plotesisht te integruarme disiplinen perendimore. Vetem keshtu ecet perpara, duke eliminuar "yes men", Ahmetajt qe jane me shumice dhe cupulinat pjestare te entourage-it te tij. Me to do kesh "gome" rruges, asnje garanci qe nuk do te ndodhe prap. Te njejten gje duhet te beje edhe krahu tjeter: Nul Moka, Salianjusi, Vokshi, Zhupa, Monikat dhe Netajt, pishtaret e flakadanet njerezore (simbole te hajdutit dhe shkaterrimtarit Hajdari) duhet te zhduken, ndryshe nuk ka prokopi.
PërgjigjuPer ta permbledhur. Nje hajdut ne arrati akuzon ish shefin e bandes se hajduteve, kryehajdutin, nderkohe intervistohet nga pala e bandes se hajduteve rivale,ku kryehajduti i kesaj te fundit eshte nen akuze nga hajduter te tjere.
PërgjigjuKomenti me i sakte dhe brilant! I ke thene te gjitha! Faleminderit e pershendetje
Interesant si funksionon mendja kriminale ramiste. Tashme Ahmetaj na qenkesh i shitur tek armiku. Meqe udheheqesi e zbuloi si te shitur, ai flet dokrra. Te shashtisin me zor sa edhe me idioti do revoltohej.
PërgjigjuIntervista e Ahmetajt e shitur prej tij dhe e blere nga Berisha+ Metaj dhe interpretuar nga koka e trafikimit nderkombetar financiar Bardhit( doreza e zeze Tabakut) do kapi fundin e opozites se ne kete fund do bjeri me te dy kembet Berisha + Basha+ Tabaku grabitqret shqiptar!
PërgjigjuSka gje mos u merzisni se shashke edhe kjo po hë, kalon baboja edhe kete spudhjak
PërgjigjuFjalet e ahmetaj qe thote cim peka nuk kane asnje vlere ligjore.Po ti thote ne organet kompetente dhe te vertetohen ,gjykata merr masa .Cim peka eshte nje monster qe vrau nje njeri me makine dhe nuk i hyri asnje gjemb nga drejtesia e qoftelargut sali vicidol kriminel hajdut serb cim peka truperon maloket me idiotsine e tij te pakufishme