Në vigjilje të shenjtërimit u mbajt edhe një koncert madhështor në nder të humanistes shqiptare. Presidenti Bujar Nishani pas koncertit tha se ndihet me fat që është dëshmitar i kësaj dite historike.
Sipas tij të gjithë shqiptarët ndihen krenar që Nënë Tereza është me origjinë shqiptare.
Kryetari i kuvendit Ilir Meta është shprehur se humanistja shqiptare tashmë i përket të gjithë njerëzimit, ndërsa frymëzoi në të gjithë botën për të reflektuar dhe për t’i shërbyer njerëzve më të varfër.
Ndërkaq kryeministri Edi Rama, i pranishëm në ceremoninë e shenjtërimit të Nënë Terezës në sheshin “Shën Pjetër” në Vatikan ku papa shpalli shenjtorë humanisten shqiptare Nënë Terëza. Më herët kreu i qeverisë shqiptare, i shoqëruar nga bashkëshortja mori pjesë në koncertin e mbajtur në bazilikën e “Shën Palit” në nderim të humanistes shqiptare.
Në këtë koncert kanë përforcuar artistët më të njohur shqiptarë në mbarë botën,Inva Mula, Rita Ora, Ermonela Jaho,Shkëlzen Doli, Saimir Pirgu dhe sopranoja kosovare Elbentia Kajtazia, në rrjetin social facebook kryeministri e përshkroi plot emocion koncertin në nder të Nën Terezës, pasi e quan një natë magjike tingujsh prej yjeve të muzikës shqiptare.
I pranishëm në ceremoninë e shenjtërimit kryetari i opozitës Lulzim Basha, e cilëson këtë ngjarje një frymëzim për të gjithë shqiptarët, por edhe mbarë qytetërimit për ndihmë dhe shenjtërim ndaj të pamundurve në facebook Basha shkruan se kjo është një ditë e madhe për kombin shqiptarë dhe se Nënë Tereza, bijë e gjakut shqiptar, është shenjtorja më re e Kishës Katolike.
Në ceremoninë e shenjtërimit të Nën Terezës ishin të pranishëm edhe personalitete më të larta të Kosovës presidenti Hashim Thaci, kryeminsitri Isa Mustafa, etj . Po ashtu mesha u ndoq nga sheshi i Shën Pjetrit në Vatikan edhe nga drejtues të besimeve fetare shqiptare.
Redaksia Online
(M.Ç/shqiptarja.com)
![](https://www.shqiptarja.com/template/img/sh_logo1.png)