Pas raportimeve mendjelehta, bezdisëse dhe pa asnjë dëshirë për të kuptuar se çfarë ndodh realisht në vendin tonë që bën mediat italiane në bllok, për protestën e 16 shkurtit, Edi Rama nisi një tur intervistash në të gjitha kanalet televizive gjeneraliste të vendit fqinj dhe, me një italishte perfekte, me rrjedhshmërinë e ironinë që e ka si stil të komunikimit dhe me fakte e argumente, paraqiti Shqipërinë reale, atë vend që nuk po «digjet nga protestat popullore», që nuk ka « krizë konstitucionale», siç thotë lideri real i opozitës që merr rrogën si president, por, që është përfshirë nga marrëzia e radhës dhe që nxitet nga halucionacionet e një opozite pa ide, pa moral, pa program dhe që, ashtu në tym, siç është vetë, kërkon të mbulojë me blozë edhe Shqipërinë.
Paraqitja që bëri Edi Rama në televizionet gjeneraliste italiane ishte mbrojtja më dinjitoze që mund t’i bëhet imazhit të Shqipërisë, i cili, me shumë mundim, këto vitet e fundit ka nisur të përmirësohet dhe ne tani nuk shihemi si delja e zezë apo si vendi batakçi në mes të Europës që prodhon kriminelë e kriza dhe që ka nevojë për shkopin e Europës që të rrimë urtë e të mbledhim mendjen. Shqipëria ka filluar të prodhojë sukses dhe imazhi i saj po tërheq gjithnjë e më shumë të huajt të cilët po vizitojnë vendin tonë në mënyrë të shtuar dhe mahniten vërtet nga ajo që gjejnë këtu. Bukuria e natyrës është njëra anë dhe atë vendi yne e ka me tepri.
Ajo që i mahnit të huajt është bukuria që kanë në shpirt shqiptarët. Statistikat thonë se ne jemi vendi unikal në Europë, me përjashtim të vendeve skandinave, besoj, ku krimi ndaj të huajve është thuajse në nivelin zero. Të huajt që vijnë në Shqipëri mahniten pikërisht nga mikpritja shqiptare që nuk e gjejnë kollaj në vendet rreth nesh. Shqipëria, po ashtu, është një ndër vendet më paqësore që nuk prodhon asnjë shqetësim apo handikap për të huajt që vizitojnë këtë vend. Të mos harrojmë edhe ushqimin e lirë e të mrekullueshëm dhe hotelerinë pefekte, gjithashtu. Këtë imazh dhe këto vlera, ne, shqiptarët mendjelehtë, nuk dimë t’i shpallim si të shenjta dhe të paprekshme.
Edi Rama dhe Igli Tare në studion e Bruno Vespës mund të bënin krenar cilindo shqiptar sepse ata paraqiteshin aty me gjithë sharmin që ka një europian i vërtetë dhe i lashtë. Edi Rama është kryeministri më dinjitoz që kanë pasur shqiptarët dhe që i përfaqëson ata me dinjitetin maksimal. I ditur, i kulturuar, europian në sjellje me karizmën e lindur, Edi Rama është imazhi më i mirë që mund të përcjellim në Europë. Igli Tare, po ashtu, një personalitet i botës europiane të sportit dhe një ish-futbollist i shquar, e ka ngritur emrin e tij dhe të Shqipërisë në një vend të paimagjinueshëm.
Lazio e tij, falë mençurisë, integritetit profesional dhe moral si dhe punës së tij është shëndoshur financiarisht dhe është ngritur në nivele të jashtëzakonshme. Për të mos folur edhe për shqiptarë të tjerë nëpër botë. Mirëpo, në anën tjetër, ne kemi një opozitë që është lidhur live me televizionet ruse dhe shpërndan në eter një imazh tjetër për këtë vend. Sipas Lulëzim Bashës ky është një vend i mbytyr nga krimi, nga droga, nga kriminelët dhe vetëm Luli është ëngjëlli. Për Lulin nuk ka rëndësi Shqipëria. Aq budalla sa është i gjori Lul, nuk llogarit se është tjetër gjë të bësh luftë politike dhe është tjetër gjë të duash Shqipërinë.
Të lidhesh live me televizionin e Putinit dhe të shash nga mëngjesi në mbrëmje vendin tënd është një histori e njohur e elitave shqiptare. Ajo nis në kohërat e largëta të historisë kur princërit shqiptarë për të asgjësuar njëri-tjetrin thërritën deri edhe mercenarët otoamnë në fillimi dhe pasta i bënë gropën këtij vendi. Esad Toptani simboli i njeriut që e ka parë Shqipërinë si plaçkë për ta shëkmbyer në tregun e pazareve ballkanike është ende i gjallë. Ndërsa, Haxhi Qamili që i vuri flakën vendit në emër të Babës së Madh është një sindromë që i kap politikanët tanë sa herë mendojnë se për ta mundur kundërshtarin ka vetëm një rrugë: të djegin Shqipërinë. Ndaj Edi Rama si qytetar i këtij vendi dhe jo si kryeministër, bëri atë që do të bëja edhe unë, edhe cilido shqiptar tjetër që beson se Shqipëria është një vend i bukur, me njerëz të mrekullueshëm dhe që po ndryshon në mënyrë spektakolare.
Komente
Lajme të tjera
-
Lucia Nadin dhe shqiptarët në Venedik, shfaqet dokumentari. Studiuesja: Shqipëria ishte Europë, ka ende për të zbuluar!
6 Nëntor, 13:36
-
Ilir Yzeiri: Fundi i dhunshëm i një tranzicioni të gjatë
24 Tetor, 12:40
-
Ilir Yzeiri: Merita që duhet t’i njohim Edi Ramës
16 Tetor, 11:07
-
Ilir Yzeiri: Rri e rri e trazo hirin
7 Tetor, 20:12
-
PD përplasje e flakë në Kuvend, Analisti Yzeiri: Janë veç delinkuentë e idiotë! Kjo parti e ka mbyllur misionin prej kohësh
3 Tetor, 14:50 -
Ilir Yzeiri boton librin 'Kadare, identiteti i keqkuptuar'
28 Shtator, 10:53 -
Ilir Yzeiri: Bektashinjtë, shteti dhe delirantët e patriotizmës së akshamit
25 Shtator, 12:11
-
Yzeiri: Solidariteti familjar dhe mafia
16 Shtator, 16:56
-
Ilir Yzeiri: 'Lulzim Basha- personaliteti i madh kombëtar e ndërkombëtar' dhe injoranca funksionale e gazetarit të BBC-së
10 Shtator, 17:35
-
Ilir Yzeiri: Liria e shtypit dhe opinionet
19 Gusht, 18:02
-
Ilir Yzeiri: Vdekja e Eglit dhe dy fëmijët jetimë vlejnë më shumë se sedra juaj e prekur, z. Rrumbullaku
14 Gusht, 16:58
-
Ilir Yzeiri: Dy ngjarje që tregojnë brishtësinë ose dobësinë e policisë së shtetit
13 Gusht, 12:53
Jo analiza e Zotit Yzeiri mund te kete shume komentues negativ apo pozitiv POR ajo benë nje ndarje shumë domethënëse mes atyre që shqipërinë e kann vetem te partia apo atyre që shqipërin e shohin edhe matan detit. Respekt per ata që më pare kan shqipërin dhe pastaj partin
PërgjigjuTe lumtë!
PërgjigjuNuk eshte se ka ndonje vlere te japesh ndonje mendim per kete shkrim .Por do te pysia zoteri Ramen ne se i lexon keto zhgarravitie ;dhe nese i lexon ,si ndihet? Sigurisht servilizma te ketij lloji ,te shkulin zorret e barkut te bejne keq ,keq e si e zeza .Zoteri edhe ne mendon se po jepet nje informacion i vlefshem popullit, per vlerat e pa llogaritura e madheshtore te zoterise tuaj ;te jesh i bindur- se me kete shkrim -,si njeri ,si udheheqes ,si artist ,c'do gje te shkon per dreq .Nuk eshte ceshtia ,sa per modesti ,ti hedhesh keto mbivleresime te ketij hipokriti te pa skrupullt ,por pastron vetveten nga keto zhele .Me te gjitha keto ,ky zoteri kerkon te krijoje tek ju ndenjen e superioritetit .Qe kyjo ndjenje per anen e vet dnkishoteske ,se pari eshte e demshme per ju ,por edhe per gjithe shqiperine .ka nje thenie te filozofise anonime :mos u mba lart e mbi dhe ,po mbau si kunder je .
PërgjigjuEdhe shokut Enver s do i kishe thurur me shume lavde. Hajde analist hajde.
PërgjigjuMOS i lexo
Te lumte z. Yzeiri! Shume analize e drejte dhe inteligjente. Dhe vini re, ne asnje nga intervistat e dhena nga Edi Rama, ne asnje rresht nuk ka folur keq as per Lulin e as per Monen dhe as per Berishen. Ne asnje moment! Nje udheheqes i vertete dhe me shume dinjitet. Te ben te ndihesh krenar se je shqiptar.
Përgjigju