POP 5

Lajmet më të lexuara të 5 minutave të fundit

Ekonomi

Shërbimet, ulin pagat dhe numrin e të punësuarve! Besnik Vathi: 70% e agjencive turistike janë mbyllur

Sektori i shërbimeve në tre muajit e fundit të vitit ka ulur numrin e të punësuarve, nivelin e pagave si dhe i janë tkurrur deri në 66% shitjet. Ndërsa operatorët turistik thonë se rreth 70% të agjencive turistike janë mbyllur për shkak të mungesës së rezervimeve.

Më pak të punësuar, më shumë të larguar nga puna, ulje fitimesh, dhe falimente, kjo është panorama që la pas pandemia në sektorin e shërbimeve gjatë vitit 2020.

Në tremujorin e katërt të vitit 2020, shitjet e agjencive u tkurrën me 66.4%, krahasuar me 2019, punësimi ra me 25,3 % si dhe paga u tkurrën me 18,8 %, duke dëshmuar një rënie të ndjeshme për shkak të virusit, dhe bllokimit të kufijve nga shtetet e huaja, që frenoi fluturimet dhe udhëtimet në tërësi.

Besnik Vathi nga shoqata e turoperatorëve thotë për Report TV se ka pasur mbylle agjencish.

“Punonjësit janë larguar më shumë se 70% në pjesën më të madhe të operatorëve, dhe rreth 70% e numrit të agjencive të operatorëve është mbyllur përfundimisht apo përkohësisht, për arsye se nuk ka aktivitet”, u shpreh Vathi.

Sa i takon realizimit monetar ajo prezantohet në vlera minimale.

“Shifra e realizimit në vitin 2020 krahasuar me vitin 2019 përllogaritet jo më shumë se 10%”, pohon ai.

Raporti i INSTAT ka analizuar edhe treguesit për baret dhe restorantet, ku në tre muajit e vitit të kaluar kanë rënë me 19,0 %, punësimin është ulur me 18,0 % dhe fondi i pagave -16,7 %.

Edhe tek hotelet gjendja është e njëjtë. Si pasojë e mungesës së turistëve dhe klientëve shitjet e tyre janë tkurrur me  40,9 %, krahasuar me të njëjtën periudhë të një viti 2019, numrin e të punësuarve e kanë reduktuar me 29,4 % dhe pagat i ulën me 27,0 %.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi