Shërbimi i urgjencës pediatrike me standarde bashkëkohore, Manastirliu: Spitale miqësore me fëmijët

Shërbimi i urgjencës pediatrike në Qendrën Spitalore Universitare Nënë Tereza në Tiranë është rindërtuar me kushte bashkëkohore, duke ofruar një standard të ri shërbimi për pacientët.

Po punojmë çdo ditë për të ndërtuar spitale miqësore me fëmijët. Sot kemi një urgjencë të re pediatrike, me më shumë hapësira dhe mundësi trajtimi në kushte dhe standarte bashkëkohore për pacientët e vegjël.

Ministrja e Shëndetësisë Ogerta Manastirliu 

Manastirliu lajmëroi gjithashtu fillimin e punimeve për rindërtimin dhe zgjerimin e Pediatrisë së QSUT-së.

LEXO EDHE:
Orges Shehi: S'më tremb asnjë rival, Partizani do shpallet kampion

Jemi ambiciozë për të realizuar një ndërhyrje që do t’i ndryshojë krejtësisht pamje Pediatrisë këtu në QSUT, investimi madhor rreth 8 milion euro në kuadër të projektit të qeverisë shqiptare me Bankën Botërore, që do të rehabilitojë dhe zgjerojë Pediatrinë. Falë kësaj ndërhyrje, që do të nisë këtë vit, do të kemi një spital pediatrik modern, sipas standarteve europiane.

Ministrja e Shëndetësisë Ogerta Manastirliu 

Ministrja e Shëndetësisë Ogerta Manastirliu dhe stafi i urgjencës në Qendrën Spitalore Universitare Nënë Tereza 

E pyetur në lidhje me fluksin në këtë spital, Ministrja Manastirliu tha se të dhënat e këtij 6-mujori flasin për një ulje të fluksit krahasuar me të njëjtën periudhë të vitit të kaluar, edhe për faktin se popullata është më e ndërgjegjësuar dhe padyshim shërbimi parësor është përmirësuar.

Në urgjencën pediatrike të QSUT-së, e cila trajton rreth 100 mijë pacientë në vit është ulur koha e pritjes për pacientët e vegjël për arsye të triazhimit, pra diferencimit të rasteve të urgjencave si dhe futjes së sistemit të ri elektronik të menaxhimit të radhës për pacientët.

Ministrja e Shëndetësisë dhe Mbrojtjes Sociale deklaroi gjithashtu se do të vijojnë projektet për tjetërsimin e pediatrive në spitale miqësore, në të gjithë Shqipërinë. Pas Vlorës, Elbasanit së fundi, së shpejti Fierit dhe me fillimin e punimeve për rehabilitimin dhe zgjerimin e Pediatrisë së Durrësit, zgjerohet harta e spitaleve miqësore me fëmijët.

TAG:
• Tirane
• ogerta manastirliu
• Femije
• spitali Nënë Tereza

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.2%

• Jo

  72.8%

• Nuk e di

  9%

Vota total: 1480

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di