POP 5

Lajmet më të lexuara të 5 minutave të fundit

Sport

Sherr masiv në tunel pas ndeshjes, futbollistëve të Atletico-s nuk u del inati me City-n! Caktohen gjysmëfinalet e Champions League

Manchester City dhe Liverpool janë dy skuadrat e tjera që prenë biletën e gjysmëfinales së Champions League. ‘Qytetetarët’ e Guardiolës barazuan pa gola në ndeshjen e kthimit kundër Atletico-s, një sfidë që më shumë do përflitet për sherret në fushën e lojës, ndërsa Liverpool barazoi 3-3 me Benfikën.

Në një ndeshje plot emocione kundër Atletico-s, por pa gola Manchester City preu biletën për në gjysmëfinalet e Champions League. Pas fitores 1-0 në Angli ndeshja e kthimit në Madrid u mbyll 0-0, por me shumë polemika dhe zënka që nisën në fushë dhe përfunduan në dhomat e zhveshjes.

Shkak u bë një ndërhyrje e mbrojtësit Felipe që u ndëshkua me të kuq dhe më pas shpërtheu një sherr masiv. Kjo bëri që në 9 minutat shtesë të luhej shumë pak dhe të acaronte tifozët e Atletico-s dhe trajnerin Simeone, i cili nuk e kurseu ironinë ndaj Guardiolës. Për gjithçka ndodhi në fushë pati edhe një sherr masiv në hyrje të tunelit ku u përfshinë futbollistës si Savic, Grealish, Vrsalko dhe stafi i Manchester City-t. U desh ndërhyrja e policisë për të qetësuar situatën, ndërkohë që Guardiola u bë trajneri i parë në histori që luan 9 gjysmëfinale të Champions League.

Në gjysmëfinalet që luhen më 26 dhe 27 prill Manchester City do të përballet me Real Madrid, 180 minuta që premtojnë shumë për futbollin e bukur.

Sakaq skuadra tjetër që preu biletën gjysmëfinale të mërkurën ishte Liverpool, që pas fitores 1-3 në Portugali barazoi 3-3 në ndeshjen e kthimit kundër Benfica-s. Kundërshtari i ardhshëm për skuadrën e Kloop është Villareal, një skuadër e konsideruar si ‘hirushja’ e Champions League pasi deri më tani ka eliminuar Juventusin dhe Bayern Mynchen.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Apeli zbut vendimin për Tiranën, pezullon më shumë se gjysmën e dënimit! Derbi kundër Partizanit me tifozë

Apeli zbut vendimin për Tiranën, pezullon më shumë se gjysmën e dënimit! Derbi kundër Partizanit me tifozë

25 Nëntor, 16:37