Sherr me grushte gjatë votimit në Kamëz? Të dhunuarit dalin nga spitali pa bërë një denoncim

Sherr me grushte gjatë votimit në Kamëz? Të dhunuarit dalin nga spitali pa bërë një denoncim

Xhelal Mziu

Burime për Shqiptarja.com tregojnë se gjatë votimeve për kandidatët për deputetë të Partisë Demokratike në Kamëz ka pasur një sherr, ku mbetën të plagosur lehtë dy persona. 

Sipas informacioneve në spitalin Ushtarak kanë shkuar të dëmtuar me sende të forta Jetmir Prençi dhe Darvin Zalla, të cilët janë zënë me Lorik Bajën, i cili mendohet të jetë mbështetës i Xhelal Mziut. Më pas ata kanë dalë nga spitali pa bërë një denoncim. Burime për Shqiptarja.com bëjnë  me dije se dy anëtarët e PD-së janë në gjendje të mirë shëndetësore dhe më pas janë parë nën shoqërinë e ish-kryebashkiakut Xhelal Mziu. Përmes një statusi në rrjetet sociale, Xhelal Mziu e ka mohuar që të ketë ndodhur ky sherr. Mesa duket anëtarët e PD-së kanë gjetur gjuhën e përbashkët me Mziun dhe kanë lënë pas sherrin e ndodhur, pa pasoja të rënda. 

Shqiptarja.com kontaktoi me babain e Jetmirit, Shemsi Prençin, i cili mohoi që djali i tij të jetë përfshirë në një sherr dhe të jetë dhunuar.

Për ish-kryebashkiakun Xhelal Mziu votuan kundër 268 demokratë, por duheshin 635 vota për ta s'kualifikuar.


Lajmi kryesor:

Përfundon votimi brenda PD në Tiranë, skualifikohet vetëm një kandidat/ Konfirmohet Xhelal Mziu në Kamëz, por 268 demokratë votojnë kundër tij! Bastioni i PD bojkotoi procesin, pjesëmarrja më pak se 30%


  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet