Një vrasje e mundshme është parandaluar sot në Fier. Bëhet me dije se dy persona, Bujar Hajdini 55 vjeç dhe Vladimir Hoxha 60 vjeç u përfshinë në sherr me njëri-tjetrin, për motive që nuk dihen ende, sherr që degradoi edhe në dhunë fizike. Sipas Policisë, Hajdini goditi me sende të forta Hoxhën, ndërsa ky i fundit mori çiften që kishte në shtëpi dhe u drejtua nga banesa e komshiut, me qëllimin për ta vrarë.
Ndërhyrja e patrullës së Policisë bëri të mundur parandalimin e një vrasje të mundshme.
Hajdini ra në prangat e policisë, ndërsa akuzohet për "Plagosje e rëndë me dashje", ndërsa 60-vjeçari u procedua për veprat penale "Plagosje e lehtë me dashje" dhe "Kanosje".
Materialet procedurale i kaluan Prokurorisë pranë Gjykatës së Shkallës së Parë Fier për veprime të mëtejshme.
