VLORË- Vlora është qyteti tjetër, pas Durrësit, Lezhës dhe Shkodrës i cili është tronditur nga një vrasje!

Një sherr i çastit mes dy fqinjëve për kamerat e sigurisë ka agravuar deri në përdorimin e sendeve të forta, ku për pasojë ka humbur jetën 60 vjeçari, Bujar Mehmetaj. Burime zyrtare i thanë Shqiptarja.com se ngjarja ka ndodhur në lagjen "11 Janari" Vlorës, rreth orës 10:04, pranë një karburanti. Shkaku mësohet të jetë vendosja e kamerave të sigurisë në ambientet e njërës banesë, por me fushëpamje nga të dyja shtëpitë. 

Burime bëjnë me dije se Jurgen Lici, ka qëlluar me shkop bejsbolli 60-vjeçarin më të cilin ka edhe krushqi, e për pasojë ndërroi jetë si pasojë e plagëve të marra. 

Lidhur me këtë ngjarje, dy punonjës të karburantit u shoqëruan nga policia në cilësinë  e dëshmitarëve okularë. Report Tv sjell video nga vendi i ngjarjes, ku shihen ende gjurmë të këtij krimi makabër, e ndërsa forca të shumta policie dhe grupi hetimor po punojnë për zbardhjen e plotë të kësaj ngjarjeje.

1588150940_vloraa.jpg

Foto nga vendi i ngjarjes

Rendit zhvillimet sipas orarit:
Ora 13:00
Vrasja në Vlorë/ Sherri për kamerat e sigurisë, autori krushqi me 60-vjeçarin, e qëlloi me shkop bejsbolli

Konflikti për pronën dyshohet se është shkaku i një konflikti të degjeneruar në vrasje në qytetin e Vlorës. Viktima është 60-vjeçari Bujar Mehmetaj,  i cili pasi ka pësuar lëndime të rënda nga një person që dyshohet të jetë komshiu i tij, i riu me inicialet J.L., 25 vjeç, si pasojë ka ndërruar jetën në spitalin e qytetit.

Policia ka identifikuar autorin dhe po punohet intensivisht për kapjen dhe arrestimin e tij. Sipas dëshmive të disa personave që ndodheshin në afërsi të një pike karburanti në afërsi, autori i krimit ka goditur komshiun, me të cilin ka krushqi, me një shkop bejsbolli.

Shkaku mund të jetë vendosja e kamerave të sigurisë në ambientet e njërës banesë, por me fushëpamje nga të dyja shtëpitë. Dy punonjës të karburantit u shoqëruan nga policia në cilësinë  e dëshmitarëve okularë.

B.K./Shqiptarja.com

Ora 11:19
Vrau fqinjin pas një sherri për pronën në Vlorë/ Identifikohet autori (VIDEO)

Report Tv ka mësuar detaje të reja lidhur me ngjarjen e rëndë e regjistruar rreth orës 10:00 të kësaj të mërkure. Gazetari Armand Xhelili bën me dije se viktima është Bujar Mehmeti, e ndërsa autori është Jurgen Leci, i cili është shpallur në kërkim. Burime njoftojnë se 2 dëshmitarë kanë dhënë dëshminë e tyre, çka mund të ndihmojnë në zbardhjen e plotë të ngjarjes.

B.K./Shqiptarja.com