7 shqiptarë sherr me armë në një lokal në Greqi! Plumbat e ‘bandës L’ vrasin bashkatdhetarin që po shihte ndeshjen! Dyshohet se janë arratisur drejt Shqipërisë

Ky është Erlis Salaj, i akuzuar si kreu i bandës së shqiptarëve që ekzekutuan një natë më parë Pëllumb Islamin nga Delvina, me profesion hidraulik, i cili u vra aksidentalisht sot në një lokal në Athinë, pasi nuk kishte lidhje me bandën.

Sipas mediave greke, pas vrasjes qëndron grupi famëkeq 'Grupi L', i cili kontrollon trafikun e drogës në qendër të Athinës dhe pronar të një klubi striptizmi. Salaj, i cili ka shumë pseudonime dhe të paktën 7 persona të tjerë, të cilët dyshohet se së bashku kontrollojnë një klub të njohur në qendër të Athinës, kanë ngritur grupin famëkeq "Grupi L", i cili komandon trafikun e drogës dhe disa klube nate.

Janë identifikuar 4 nga 7 shqiptarët që u përfshinë në sherrin masiv një natë më parë në Athinë, ku mbeti i vrarë aksidentalisht shtetasi Pëllumb Islami. Sipas autoriteteve vendase, të 7 shqiptarët dyshohet se janë arratisur drejt Shqipërisë për t’i shpëtuar arrestimit nga policia. Pavarësisht se nuk janë bërë të ditur emrat, mediat helene kanë publikuar fotot e disa prej personave të shpallur në kërkim.

Këto janë pamjet pak momente pas vrasjes së shqiptarit në Greqi, ku 7 anëtarë të një bande u larguan me shpejtësi nga lokali me një automjet tip 'Jeep' pasi qëlluan me armë.  Për pasojë mbeti i vdekur aksidentalisht 37-vjeçari Pëllumb Islami, me profesion hidraulik dhe që nuk ka asnjë lidhje me personat e përfshirë në konflikt.

Ende vijojnë hetimet për vrasjen në Greqi, ku humbi jetën aksidentalisht shqiptari pasi sherrit brenda një lokali në Nea Joni të Athinës. Viktima, Pëllumb Islami që njihej edhe si Sandri ishte klient i rregullt por nuk kishte asnjë lidhje me bandën shqiptare prej 7 personash që filluan të qëllonin me armë.

Kamarierja ka bërë përshkrimin e asaj që ndodhi brenda lokalit. Vetëm pak para mesnatës, 7 shqiptarët hynë në lokal dhe zunë një vend dhe vetëm pak minuta pasi kamerierja i shërbeu gota me ujë, ata u ngritën dhe qëlluan me armë duke plagosur klientin që ishte vetëm në tavolinë.

Shqiptari që u vra gabimisht në Greqi është identifikuar si Pëllumb Islami, 37 vjeç. Mësohet se ai ishte me profesion hidraulik.

Detaje të reja janë zbardhur nga ngjarja e ndodhur në Athinë, ku mbeti i vrarë aksidentalisht i riu shqiptar. 

Mediat e huaja bëjnë të ditur se autorët janë me origjinë nga jugu i Shqipërisë dhe janë pjesë e grupeve kriminale. Gjithashtu dyshohet se janë të përfshirë në ngjarje të rënda kriminale të ndodhura në Greqi.

Kujtojmë se mbrëmjen e të martës, një grup shqiptarësh kanë hyrë në një lokal ku kanë debatuar me njëri-tjetrin. Më pas kanë dalë jashtë lokalit, ku kanë vazhduar sherrin dhe më pas njëri prej tyre ka nxjerrë armën dhe ka qëlluar.

Për pasojë ka mbetur i vdekur shqiptari, i cili nuk kishte lidhje me grupin, por ndodhej në lokal.

Banorët e zonës u prononcuan për mediat greke lidhur me ngjarjen e rëndë në lokal ku vdiq një shqiptar aksidentalisht pas një sherri të një grupi po me origjinë shqiptare.

Një banor tha se u dëgjuan 5-6 të shtëna me armë, pak para se të vdiste, viktima ishte i shtrirë në tokë dhe po fliste me një vajzë. Ai tregoi se pas ngjarjes së rëndë situata ishte kaotike ndërsa rrëfeu momentin kur pa autorët të largoheshin me shpejtësi nga vendngjarja.

 “Dëgjova 6 apo 7 të shtëna, u hodha jashtë dhe pashë njerëz. Viktima ishte shtrirë dhe fliste me një vajzë Dola jashtë, ishte kaos, e pashë njeriun të rënë. Një makinë është larguar me shpejtësi dhe i kanë bërtitur shoferit “ik, ik””, tha për protothema.gr një banor i zonës.