POP 5

Lajmet më të lexuara të 5 minutave të fundit

Sport

Sherri me Laskajn, Mema: Ngoo është shumë sensibël, por nuk reagon pa arsye

Në prag të ndeshjes së kthimit në Kupë kundër Laçit trajneri i Tiranës Ardian Mema ka komentuar sherrin e ndodhur mes dy ekipeve tre ditë më parë në “Selman Stërmasi”.

Të mërkurën do të luhen ndeshjet e kthimit çerekfinale të Kupës së Shqipërisë, me Tiranën që do të udhëtojë në Laç 4 ditë pas sherrit në tunelin e stadiumit “Selman Stërmasi”. Për atë që ndodhi mes sulmuesit Majkëll Ngoo dhe presidentit Pashk Laskaj, trajneri i Tiranës Ardian Mema deklaron:

"Majkëlli është shumë sensibël dhe shumë njeri i mirë. Nuk reagon kot, kjo është ajo që dua të them."

Ndërkohë sa i përket rezultatit Tirana ka hedhur një hap të sigurtë në ndeshjen e parë, ku ka fituar me shifrat 3-0. I pyetur se çfarë duhet të bëjë Tirana për takimin e kthimit Mema përgjigjet:

"Tani thjeshtë duhet të menazhojmë rezultatin, të jemi shumë të kujdesshëm, të jemi në ekulibër dhe të mbarojë si duhet kjo ndeshje në favorin tonë."

Ndryshe nga Tirana, Partizani ka një sfidë shumë të vështirë në Gjirokastër, pasi në ndeshjen e kthimit duhet të përmbysë humbjen 1-2 që pësoi në “Elbasan Arena”. Të kuqtë në deklaratat e tyre janë shprehur se do të bëjnë maksimumin për të përbyur rezultatin, ndërsa vetë presidenti Demi ka theksuar se do të ketë gjobë për lojtarët nëse nuk ia dalin.

Ndërkohë në “Elbasan Arena” do të luhet ndeshja e kthimit mes Kukësit dhe Teutës, ndërsa kujtojmë që ndeshja e parë në Durrës ka përfunduar me shifrat 2-2.

Sfida tjetër çerekfinale mes Skënderbeut dhe Kamzës nuk do të luhet për shkak të pezullimit të këtyre të fundit, me korçarët që kanë siguruar kualifikimin direkt në çerekfinale.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Berisha i pandehur për korrupsion e vrau në Gërdec, shfaqet 'krenar’në dyert e SPAK

Berisha i pandehur për korrupsion e vrau në Gërdec, shfaqet 'krenar’në dyert e SPAK

6 Janar, 12:36