Është kënga “Pranvera filloi me ardh”. Sheyda Do’a, muzikante me origjinë nga Irani, e këndon në kuadër të festivalit “Gjon Mili”. Ka lindur në Shqipëri, në vitin ’92, e thotë se vendin tonë e mban në zemër. Në këtë rikthim të radhës, nga Amerika ku jeton, rrëfen si e gjen të ndryshuar.
“Unë sapo jam kthyer nga jugu i vendit dhe e gjej Shqipërinë të ndryshuar për mirë. Por jam shumë shumë e lumtur që jam kthyer. Ky është atdheu im dhe çdo herë që kthehem lumturohem shumë!”, rrëfen Do’a.
Me babain italo-iranian e mamanë gjermano-iraniane, në Shqipëri ajo u rrit si të gjitha vajzat e tjera, e ndoshta me një përkujdesje të veçantë nga prindërit, për të përthithur më të mirat e kulturës sonë. Kështu, kujton se si është dashuruar me muzikën e tabanit, të cilën e këndon edhe në Amerikë ku jeton.
“Unë jam rritur si të gjithë shqiptarët, në një atmosferë ku të moshuarit këndonin, luanin kitarë, na mësonin këngët nga vëndet e ndryshme nga ata vinin dhe kjo kënga ‘Pranvera filloi me ardhë” është një nga ato këngë që unë e kam dëgjuar kur kam qenë e vogël. Këngë të cilat i këndoj shpesh dhe me mallëngjim kur mendoj për Shqipërinë”.
Nga kultura persiane, krahas gjuhës, kulinaria është ajo që ka trashëguar më të konsoliduar. Ndërsa lidhja e saj me muzikën e kompozitorët klasikë të cilët adhuron t’i luajë në piano nuk është e rastësishme.
“Mamaja ime është pianiste klasike ka studiuar në Berlin. Dhe unë jam rritur duke i rënë pianos klasike. Ka qenë muzika e parë që kam mësuar, dhe ende e adhuroj”, thotë muzikantja.
Ka zgjedhur si profesion matematikën, e thotë se precizoni është vetëm një nga lidhjet mes dy zanateve.
“Po bëj doktoratën në matematikë dhe po punoj dhe në fushën e inteligjencës artificiale dhe këndoj dhe me një band, muzikë jazz, samba dhe muzikë shqiptare në Uashington DC, në Amerikë”, shton më tej.
Muzika shqiptare, nuk mund të mos ishte pjesë e albumit të saj të parë, që sapo ka dalë.
“Albumi im i parë ka dy këngë shqiptare dhe po vijoj ende me projekte të tjera muzikore në bashkëpunim me producentë të ndryshëm në Uashington DC”, thotë Do’A.
Lajme të tjera
-
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37 -
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Lirohet pa akuza gruaja iraniane që u zhvesh në shenjë proteste
19 Nëntor, 20:00
