POP 5

Lajmet më të lexuara të 5 minutave të fundit

Kultura

Shfaqja “Dasma e Gjakut” e Lorkës
mbyll me sukses festivalin e Butrintit

Edicioni i 14-të i Festivalit “Butrinti  2000" është mbyllur këtë fundjavë me sukses në qytetin e Sarandës. Alfred Bualoti, drejtori i festivalit ka vlerësuar trupën  teatrore të Spanjës, e cila kontribuon për herë të dytë në këtë festival. VIDEO
Shfaqja “Dasma e Gjakut” e Frederiko Garcia Lorkës me regji të Irina Kuberskajas ka mbyllur me sukses festivalin "Butrinti  2000" këtë fundjavë në qytetin e Sarandës. Alfred Bualoti, drejtori i festivalit  vlerësoi kontributin e kësaj trupe të njohur edhe në skenat botërore.
  
Bualoti vlerësoi edhe kritikët e dramaturgët që kanë mbështetur vazhdimisht festivalin.
  
Është i 14-ti vit që qyteti antik i Butrintit pret Festivalin Ndërkombëtar të Teatrit “BUTRINT 2000''.  Nata e parë nisi me dramën shqipe, “Made in Albania” me autor Stefan Çapalikun dhe regjisor Altin Bashën. Në natën e dytë Butrinti ushtoi nga Orkestra muzikore e  Shoqërisë Filarmonike të Korfuzit, drejtuar nga dirigjenti Alkis Baltas, personalitet muzikor botëror. 
  
Në natën e tretë të festivalit u ngjit në skenë trupa e kompanisë dans teatër, me regji e koreografi të Gjergj Prevazit.  Vijimësia e festivalit të Butrintit ishte vënë në pikëpyetje për shkak të fondeve, por ai arriti së paku të mbahej në 4 ditë, falë një fondi modest nga Ministria e Kulturës dhe mbështjes së madhe nga Bashkia e Sarandës. Koreografi Prevazi në natën finale premtoi se do të jetë një nga mbështetësit që Butrinti 2000 të zgjerohet me më shumë shfaqje.

festivali butrintit

Redaksia Online
Al.N/Shqiptarja.com
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

11 Janar, 15:39