POP 5

Lajmet më të lexuara të 5 minutave të fundit

Kultura

Shfaqja ‘Tri dimrat’, Angjeli: ‘Protesta’ jonë ndaj së padrejtës

Shfaqja “Tri dimrat”  vendoset në Metropol. Elia Zaharia si nëna e Yllka Mujos, janë dy nga personazhet protagonistë, që shpalosin dramën për drejtësi. Sokol Angjeli rrëfen rezistencën e tij ndaj vijës së pamoralshme e bashkë me Xhuvanin, Lljarajan, Zhustin e aktorët e tjerë mbajnë publikun “të mbërthyer” pas pjesës.

Rreth tavolinës që fsheh mbishkrimet e familjeve që e kanë jetuar shtëpinë, sillen personazhet e “Tri dimrave” të vendosur në Zagreb të Kroacisë. Pema familjare, e ngatërresat mes degëve, nuk i shikojnë këto epoka të ndara. Kështu, regjisorja Rozi Kostani, në Teatrin Metropol, përmes mizaskenave e momenteve i filmike, tregon se si e kaluara, jo vetëm dikton të ardhmen, por është prezentë në të tashmen. Në qendër të pjesës së Tena Stiviçiç, personazhi luftarak i Rozës i interpretuar nga Elia Zaharia, vuan Luftën e Dytë. Duket sikur pas ’45, me ardhjen e komunistëve në pushtet, një çelës shtëpie do t’i japë drejtësinë e munguar, por në fakt, pa e ditur, ajo shkon drejt rrënjëve familjare.

Skenat janë gati piktoreske e udhëtimi në të ardhmen bëhet me dekada duke prekur vitet ’90 e 2011-ën. Në to shohim Yllka Mujon, si Mashën, vajzën e Rozës, e cila përpiqet të forcojë unin e saj, e të dalë nga hija e dëshirave të familjarëve. Ndërsa Sokol Angjeli, në rolin e Vllados, përpiqet që familja të mos humbasë rrugën e drejtë.

“E kam pasur shumë afër personazhin. Edhe për dëshirën që kam unë si njeri i shoqërisë civile, për të qenë pjesëtar aktiv në jetën shoqërore, e për  të thënë atë çka arti dhe kultura duan të sjellin për publikun tonë, për të vërtetën, atë çka është e drejtë dhe e bukur. Sepse gjërat janë çatrafilosur në një formë të tillë, ku ajo piramida e vlerave shpesh herë kthehet përmbys. Pra, krijimi i një modeli, i cili të gjithëve tanimë po na bie rëndë në një periudhë 30 vjeçare dhe po na kthehet përballë një model që është shumë i diskutueshëm. Një model që duhet braktisur urgjentisht që shoqëria shqiptare të shërohet...”

Loja impenjative e aktorëve bën që publiku të qëndrojë në pritje. Nuk ka të humbur e as fitues, epokat e sistemet diktojnë rolin. Por, kur presioni i oligarkëve nuk të jep opsion, duket sikur heshtja apo kompromisi mbeten e vetmja zgjidhje.

“Po! Ama protesta bëhet deri në fund. Dhe nga autorja e veprës dhe nga aktorët që impenjohen deri në fund për të thënë se jo çdo gjë që po ndodh tani është e drejtë. Jo çdo gjë që po ndodh duhet të marrë atributet e të ardhmes e perspektivës. Është shumë e dyshimtë sidomos bërja e pasurive të reja, oligarkëve të rinj etj., njerëzve, të cilët për hir të fitimeve thyejnë kodet morale thyejnë çdo gjë, nuk është e drejtë”

Llogaridhënia mund të vijë në një tjetër dimër, pse jo edhe përmes një “Vettingu”. Ndërkaq, martesa si një marrëveshje shpëtimi, nuk e kamuflon dot trishtimin me ngjyra feste. Stiviçiç, e lë mundësinë e hapur. Ndoshta, një tjetër dimër do të pasojë.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41