Është arrestuar në Tiranë grupi i pestë që merrej me prostitucion virtual. Në pranga ka rënë Bruna. S, administratorja e një studio “Chat Linë” dhe që dyshohet edhe organizatorja e këtij grupi.
Gjithashtu është arrestuar edhe një 27-vjeçare A.K si dhe është proceduar një 40-vjeçare me akuzën e “Prostitucionit”. Operacioni i Policisë ”Chat Line 5” ka zbuluar edhe apartamentin që ndodhej në rrugën “Reshit Petrela”, i cili përdorej për prostitucion virtual. Report TV mëson se ky grup prej 6 muajsh ushtronte aktivitetin e jashtëligjshëm. Grupi kishte hapur një faqe online ku klientët që komunikonin live më vajzat paguanin nga 50-200 euro ora.
Vajzave u kërkohej të mbanin sa më gjatë kilentët në komunikim. Rekurtimi i vajzave është bërë nëpërmjet publikimeve “online” ose në gazeta ku ofrohej punë kundrejt pagesës më shumë se 1 mijë euro.
![](https://shqiptarja.com/template/img/NO_ALFA_Kuadrate shqiptarja.png)
Në momentin që bënin intervistën për punë vajzave u thuhej se do kryenin prostitucion virtual dhe pagesa e lartë, bindte një pjesë të tyre. Vajzat që rekrutoheshin dhe punonin aty ishin të moshës 18-40 vjeç. Brenda apartamentit ku ushtrohej prostitucion virtual u gjetën 2 kompjuterë dhe pajisje të ndryshme që përdoreshin për kryerjen e aktivitetit.
Më parë janë zbuluar edhe 4 baza të tjera të prostitucionit virtual në Tiranë. Por në një kohë që Policia arreston këto grupe prostitucioni, pjesa më e madhe e tyre nuk dënohen. Kjo për faktin se Kodi Penal i republikës së Shqipërisë, nuk parashikon në asnjë nen prostitucionin virtual. Gjykatat shpesh dënojnë organizatorët e këtyre rrjeteve, por jo vajzat që ushtrojnë prostitucion virtual.
Njoftimi i policisë:
Tiranë
Finalizohet me sukses operacioni "Chat Line 5"
Arrestohen 2 shtetase dhe procedohet penalisht një tjetër për veprën penale "Shfrytëzimi i Prostitucionit", "Mbajtja e lokaleve për prostitucion" dhe "Prostitucioni".
Nga ana e Seksionit për Trafiqet e Paligjshme të Drejtorisë Vendore të Policisë Tiranë, u finalizua me sukses operacioni “Chat Line 5”, ku u arrestuan në flagrancë shtetaset:
• B.S., 30 vjeçe, banuese në Tiranë, administratore e një studioje “Chat Line" për veprën penale “Shfrytëzimi i Prostitucionit" dhe " Mbajtja e lokaleve për prostitucion", parashikuar nga neni 114/2 dhe 115 i Kodit Penal.
• A.K., 27 vjeçe, banuese në Tiranë, për veprën penale "Prostitucion".
Gjithashtu u procedua penalisht për veprën penale "Prostitucioni" shtetasja:
• M.A., 40 vjeçe.
Nga veprimet hetimore rezulton se shtetasja B. S., dyshohet se prej një kohe të gjatë, punësonte vajzat e mësipërme dhe i shfrytëzonte ato për prostitucion virtual nëpërmjet internetit, aktivitet i cili kryhej në një apartament në rrugën "Reshit Petrela".
Gjatë kontrollit në këtë apartament u gjetën dhe u sekuestruan në cilësinë e provës materiale:
• 2 kompjuterë dhe pajisje të ndryshme që përdoreshin për kryerjen e aktivitetit.
Materialet proceduriale i kaluan Prokurorisë së Rrethit Gjyqësor Tiranë, për veprën penale “Shfrytëzimi i prostitucionit”, “Mbajtja e lokaleve për prostitucion” të parashikuara nga nenet 114/2 dhe 115 të Kodit Penal për shtetasen B.S., dhe për veprën penale "Prostitucioni" parashikuar në nenin 113 për shtetaset A.K., dhe M.A.
![](https://www.shqiptarja.com/template/img/sh_logo1.png)