Receta

Shije bakllavaje pa peta nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 17 Prill 2020, 11:07 | Përditesimi: 17 Prill 2020, 12:04

Shije bakllavaje pa peta

Përbërësit:

8 kokrra vezë

LEXO EDHE:
Tavë me lakër arme dhe kimë nga zonja Albana

8 lugë gjelle sheqer

250 gr arra

10 biskota savojard

2 lugë gjelle galetë të grirë

1 pako pluhur pjekës

1 lugë çaji gjalp

Sherbeti

500 gr sheqer

350 ml ujë

2 feta limon

Përgatitja:

Fillimisht ndajmë të bardhat e vezëve nga të verdhat e vezëve në tasa të veçantë. Në tasin me të bardhat e vezëve shtojmë gradualisht sheqerin, gjatë kohës që fillojmë përzierjen e tyre me mikser vezësh. E rrahim derisa të na formohet një marengë e fortë. Sheqerin e mbetur e shtojmë tek të verdhat e vezëve dhe i rrahim deri sa sheqeri të shkrijë.

Bashkojmë të verdhat me të bardhat e vezëve në një tas të vetëm duke i përzier mirë së bashku. Shtojmë në tasin me vezë arrat e grira , biskotat e bluara gati si miell , 1 lugë çaji pluhur pjekës dhe 2 lugë gjelle peksimadhe. I trazojmë mirë të gjithë përbërësit.

Lyejmë një tepsi me gjalp dhe e pudrosim me peksimadhe. Nivelojmë brumin dhe vendosim tavën në furrë në temperaturën 170 ºC për 45-50 minuta.

Ndërkohë vendosim në zjarr ujin me sheqerin, lëngun e limonit dhe lëkurën e tij. E lëmë tenxheren të ziejë në temperaturë mesatare.

Nga momenti që fillone të ziejë e lëmë edhe 5 – 7 minuta të tjera. Më pas e largojmë dhe e lëmë të ftohet jo plotësisht port ë ketë një nxehtësi mesatare.

Pasi ëmbëlsira të jetë pjekur e lëmë të ftohet për 15 minuta , e presim në racione dhe më pas e shërbetosim. E lëmë të ftohet dhe e shërbejmë.