“Shikoni Lulzim Bashën e Gramshit,” Balla reagon për kryetarin e PD-së: A do ta tërhiqni baltën e djeshme?

Pas ngjarjes së djeshme në Gramsh, ku kryetari i degës së PD-së në këtë qytet u konfliktua me efektivët e policisë, ka ardhur edhe reagimi i parë nga PS.

Taulant Balla, kryetar i grupit parlamentar të socialistëve, në një  postim në Facebook, pyet nëse PD do ketë kurajo të kërkojë falje për përfaqësuesin e saj në Gramsh, dhe se a do ta tërheqë PD baltën e hedhur drejt Policisë së Shtetit.

Reagimi i plotë:

Shikoni dhe dëgjoni Lulzim Bashën e Gramshit....

Dje Partia Demokratike reagoi shumë ashpër kundër Policisë së Shtetit për një arrestim “politik” të Kryetarit të kësaj partie në Gramsh me emrin Elmas Haruni.

Por sot Policia e Shtetit ka sqaruar edhe me pamje incidentin që e bën tërësisht fajtor këtë person.

Policia e shtetit ka sqaruar ngjarjen e ndodhur dje me kreun e Partisë Demokratike të Gramshit Elmas Haruni i cili nuk iu bind urdhërit të forcave blu madje dhe i ofendoi ata.

Në nje deklaratë për median policia bën me dije se mjeti ku udhëtonte Haruni është ndaluar për një kontroll në hyrje të Gramshit, por gjatë kontrollit të dokumentacionit kreu i PD-së ka kundërshtuar dhe ofenduar me një gjuhë rrugaçërore punonjësit e policisë.

Më pas policia ka shoqëruar në Komisariatin e Policisë Elbasan makinën me gjithë personat që ndodheshin brenda.

Pas këtyre pamjeve, pyetja është a do ta tërheqë PD baltën e mbrëmshme?

A duhet zyrtarisht PD të kërkojë ndjesë publike për Lulzim Bashën e Gramshit?

Lajmi kryesor:

“By**q*ra, këlyshë të Fatmir Xhafës”/ Kreu i PD në Gramsh kërcënon policët: Mbajeni mend ç'kam për t’ju punuar! /Video

//Shqiptarja.com

TAG:
• Kercenim
• policia e shtetit
• gramsh
• elmaz haruni