Pas më shumë se një muaj e gjysmë, Drejtoria e Përgjithshme e Qendrës Spitalore Universitare “Nënë Tereza” i është përgjigjur Report Tv në kërkesën zyrtare dërguar më 15 mars për mosfunksionimin e aparaturës së shintigrafisë.
QSUNT konfirmon për Report TV se shintigrafia është për më shumë sesa 4 muaj jashtë funksioni dhe shkak është bërë ndërprerja e bashkëpunimit me Agjencinë Ndërkombëtare të Energjisë Atomike, duke lënë të nënkuptuar mungesën e jodit radioaktiv, ku nuk thotë arsyen e ndërprerjes së furnizimit.
QSUNT për Report TV, fjalë për fjalë thotë se “trajtimi i fundit është bërë në Janar 2024 sipas furnizimit të bërë nëpërmjet marrëveshjeve me IAEA (International Atomic Energy Agency). Aktualisht furnizimi nuk ofrohet më nga IAEA, arsye për të cilën QSUNT dhe MSHMS është në proces të shpalljes së procedurës së prokurimit me këtë objekt”.
Më tej QSUNT në kërkesën zyrtare thotë për pacientët e shërbimit endokrinologjisë, pra të sëmurët me tiroide se aktualishtë po trajtohen me terapi hormonale frenuese deri në furnizimin me lëndë radioaktive e cila mban në kontroll nivelin hormonal per një periudhë tre mujore pas kryerjes së ndërhyrjes kirurgjikale, periudhë e cila kryhet para se të trajtohet me Iod radioaktiv 131. Por edhe në këtë rast pacientët që e kanë kryer këtë ndërhyrje supozuar në muajin janar, ka kaluar afati kohorë.
“Siç sqaruam, shintigrafia e tiroides është e nevojshme si mjet diagnostikues dhe ndjekje e patologjive malinje dhe beninje të gjëndres tiroide. Duke qenë se gjatë kësaj periudhe pacientët trajtohen me terapi hormonale frenuese, e cila mban në kontroll nivelin hormonal për një periudhë 3 mujore, me ardhjen e lëndës radioaktive, këta pacientë do të kenë prioritet dhe do të vijojë trajtimi sipas protokolleve mjekësore”, përgjigjet QSUT.
Aparatura e shinti-grafisë në Qendrën Spitalore Universitare “Nënë Tereza” nuk është në funksion prej mëse 4 muajsh, e shkak është mungesa e jodit radioaktiv që shërben për të ndihmuar mjekët të gjejnë saktë anomalitë në organin që duan të ekzaminojnë.
Report Tv ka përcjellë shqetësimin e pacientëve, të cilët në mungesë të shërbimit në shtet detyrohen ta marrin atë me pagesë në privat, por edhe të mjekëve, të cilët me zë e figurë 1 muaj më parë, folën në Report Tv se në 1 javë mbi 15 pacientë janë në pritje për të bërë shinti-grafinë vetëm për tiroiden.
Por nëse i referohemi edhe pacientëve që vuajnë nga veshka, zemra apo deri te tumoret, që kanë nevojë për ekzaminim me shinti-grafi, shifrat e qytetarëve që nuk e kanë marrë dot këtë shërbim, janë edhe më të larta. Jodi radioaktiv sigurohet nga Ministria e Shëndetësisë, por pavarësisht denoncimit të shumë qyetetarëve në Report Tv, vijon të jetë në mungesë. QSUT-ja është i vetmi spital publik ku kryhet ekzaminimi i shintigrafisë, të detyruar tashmë pacientët u drejtohen spitaleve private dhe paguajnë të paktën 6 mijë lekë.
Komente
Lajme të tjera
-
Studimi: Lumturia ul rrezikun e atakut kardiak dhe hemorragjisë cerebrale
12 Dhjetor, 18:23 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
A e mjekoi Berishën mjeku psikiatër Ulvi Vehbiu? Ish-punonjësi: Sa herë kishin probleme me të i thoshin, profesor merru me Salën
12 Dhjetor, 11:41 -
I dënuari 73-vjeçar vdes në QSUT (EMRI)
9 Dhjetor, 21:04 -
Nga shëndeti i zemrës te humbja e peshës si ndikon ecja në shëndetin tuaj
8 Dhjetor, 19:17 -
Farat e kungullit, përfitimet shëndetësore që vijnë nga konsumimi i tyre
7 Dhjetor, 08:15 -
Ushqimet që nuk duhen konsumuar kur keni dhimbje fyti
6 Dhjetor, 15:45 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Shenjat që tregojnë se trupi juaj është plot me toksina
2 Dhjetor, 10:40 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Pse konsumimi i tepërt i sheqerit mund të dëmtojë trurin tuaj?
1 Dhjetor, 16:16
Tefik a din me lexuar?? Nuk eshte prish asgja, mungon iodio radioaktiv dhe eshte sigurisht e pafalshme
PërgjigjuE prishin vete mjeket qe pacientet te shkojne tek privati ku punojne po ata mjeke.
Përgjigju