Një tjetër skandal në lidhje me dëftesën e pjekurisë, që mund të merret kundrejt pagesës pa bërë asnjë ditë mësim është zbuluar në Peqin. Adrian Cani mësues fizkulture në shkollën 9-vjeçare “Adem Bedalli “ në Peqin , bën pazare për shitje diplome të shkollës së mesme kundrejt 3 mijë eurove.
Dikur ish-drejtor gjimnazi në qytetin e Peqinit, sot mësuesen në shkollë 9 vjeçare, Cani premton diplomë të shkollës së mesme kundrejt 3 mijë eurove.
Adrian Cani njëkohësisht është pedagog i jashtëm në një universitet privat në kryeqytet, por edhe nënkryetar i Partisë Demokratike në Peqin.
Pa asnjë ndrojtje në pazare Adrian Cani i pohon bashkëpunëtores së Fiksit dëftesë pjekurie kundrejt shumës prej 3 mijë eurove. Dhe parat duhet të jepeshin paradhënie. Gjithashtu mirë do ishte që personat e interesuar sipas mësuesit të ishin mbi 38 vjeç. Pra persona që në vitet 2005-2006 kanë qenë në moshë mature. Kjo pasi vitet më pas të gjitha të dhënat janë hedhur në sistem , ndërsa vitet përpara ende janë në regjistra me shkrime dore. Kjo u jep mundësi të shtojnë emra në këto regjistra.
Gjithçka është e rregullt siç pohon mësuesi me numër amze, dhe lehtësisht e verifikueshme nëse shkon interesohesh në institucionin nga del kjo dëftesë.
Mësuesi i kërkon paratë në fillim pasi thotë se është djegur herë të tjera dhe i është dashur të fusë lekë nga xhepi. Gjithashtu kërkon dhe informacion të plotë mbi personin e interesuar që kërkon të pajiset me dëftesë, që në moshën që i përkon gjimnazi të mos ketë bërë burg. ” Unë i bëra dëftesën sikur ishte në gjimnaz ndërkohë personi vuante dënimin në burg. Jam djegur dhe kështu” shprehet Adrian Cani.
Dure rënë dakord parimisht për çmimin , Cani i kërkon bashkëpunëtores së Fiksit foto të hershme dhe kartën e identitetit të personit të interesuar. ” Për një javë ose pak më shumë del dëftesa pastaj” shprehet mësuesi.
Por përveç mësuesit Adrian Cani mban dhe një post tjetër atë partiak, ku nuk harron të përmendi emra të politikës. Për të vërtetuar që kjo është e vërtet, bashkëpunëtorja e Fiksit takon djalin e kandidatit për kryetar bashkie në Peqin dhe ai i konfirmon postin e Adrianit në PD. Ai mban postin e nënkryetarit të PD-së në Peqin.
Gazetarët e Fiksit pasi mësojnë orarin e mësimdhënies së mësuesit Cani e telefonojnë shkojnë në shkollën 9 -vjeçare.
Drejtoresha e shkollës sqaron gazetarët se mësuesi atë ditë nuk kishte ardhur, madje as nuk kishte lajmëruar në shkollë se do mungonte.
Në telefonatën me gazetarët mësuesi preferoi të mos jepte asnjë shpjegim në lidhje me shitjen e diplomës së shkollës së mesme, por vetëm përdori fjalë fyese për bashkëpunëtoren e Fiksit e cila e ka regjistruar./TCH
Komente
Lajme të tjera
-
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
I dënuar me 22 vite burg për vrasje, Altin Kodra futet në Regjim të Posaçëm për 1 vit
16 Dhjetor, 17:08 -
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
-
Aksident në aksin Tiranë-Elbasan/ Kamioni përplaset me makinën, 2 të plagosur
14 Dhjetor, 16:15 -
Vrasja e Fatjon Bicit në Gramsh, ekzekutohet vendimi, 2 autorët që ishin në arrest shtëpie shkojnë në burg
13 Dhjetor, 12:40 -
Vrasja e Fatjon Bicit në Gramsh, Apeli lë në fuqi vendimin, babai: Më vranë për së dyti! Krimineli është liruar dhe e bën gjumin në shtëpi
12 Dhjetor, 13:55 -
Aksident në aksin Elbasan-Peqin/ Makinat përplasen me njëra tjetrën, dyshohet për dy të plagosur
11 Dhjetor, 15:37
Ai rasti me pare ne Shkoder dhe ky ne Peqin,c'behet keshtu?!Sa raste te tjera duhet te kete ne te gjithe vendin?! Min.e Arsimit dhe /zonjeza Lulushe/ duhet te bejne nje kontroll te imtesishem dhe te hapin regjstrat e ketyre 32 viteve per te pare kush e ka ndjekur vertet shkollen e kush i ka marre me te vertete e me merite provimet e diplomat.
Përgjigju