Shitet mbi 100 mijë $ bluza ushtarake e Zelensky-t, Johnson: Përkrahni Ukrainën që të jetë e lirë

Bluza e "famshme" ushtarake e Volodimir Zelenskyt është shitur mbi 100 mijë dollarë në një ankand për mbledhjen e fondeve për Ukrainën në Londër.

Çmimi final arriti në 90 mijë paund, ose rreth 111 mijë dollarë, duke mbledhur fonde jetike për ndihmën humanitare për Ukrainën, e cila u pushtua nga Rusia në shkurt.

Zelensky mbajti një fjalim në një lidhje video përpara ofertës në mbledhjen e fondeve ‘Brave Ukraine’, gjatë së cilës ai lavdëroi Mbretërinë e Bashkuar dhe ‘Borisin e guximshëm’, i cili e ka vizituar atë në Kiev.

“Përkrahni Ukrainën sonte miqtë e mi, në mënyrë që kryeqyteti i madh i lashtë evropian, Kievi të mos kërcënohet më kurrë, dhe që Ukraina të jetë e plotë dhe e lirë përsëri”, tha kryeministri Johnson.

Lajmi kryesor:

Kievi shkatërron një tjetër anije ushtarake ruse! NATO: Lufta po hyn në një fazë vendimtare! Evakuohen 50 civilë nga fabrika e çelikut në Mariupol!

E.K/Shqiptarja.com

TAG:
• Joe Biden
• ukraine
• rusia sulmon ukrainen
• SHBA