Shkak bëhet Elseid Hysaj, Lazio në gjyq për shkak të mbrojtësit

Shkak bëhet Elseid Hysaj, Lazio në gjyq për shkak të mbrojtësit

Elseid Hysaj me Lazion (d)

Elseid Hysaj është bërë shkak që Lazio të ketë një proces gjyqësor në Komitetin Olimpik Italian. Agjenti i shkodranit kërkon nga Lazio bonuse në lidhje me kalimin e mbrojtësit nga Napoli në kryeqytetin e Italisë,me padinë që do shqyrtohet.

Vera e 2021 bëri që Hysaj të linte Napolin pas gjashtë vitesh dhe të kalonte te Lazio, kjo si lojtar i lirë. Për këtë kalim agjenti Mario Giuffredi kërkon komisionet e tij, me Lazion që pretendon se nuk ka asnjë arsye që të paguajë.

Duke qenë se Hysaj ka qenë i lirë dhe dëshira e tij ishte të bashkohej me Lazion duke mos rinovuar me Napolin, kryeqytetasit kanë shmangur kështu komisionet për agjentin ndërmjetësues, me këtë të fundit që ka paditur klubin e Serie A.

Tanimë kalimi i 29-vjeçarit te Lazio ka risjellë edhe njëherë problemin që agjentë të ndryshëm kanë me komisionet, duke kërkuar shuma të majme nga klubet.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Vlorë, i djegin BMWX5 në oborrin e banesës (EMRI)

Vlorë, i djegin BMWX5 në oborrin e banesës (EMRI)