Pas shkarkimit të gjyqtarit të Gjykatës së Lartë, Bledar Abdullai nga Komisioni i Pavarur i Kualifikimit, ka reaguar gazetari Carlo Bollino. Në një status të shkurtër në Facebook, gazetari Bollino tregon për gjyqin e 6 viteve më parë, ku gjyqtari Abdullai zhvilloi një proces për të cilin gazetari nuk u njoftua asnjëherë, e u dënua 75 mijë euro, për një shkrim të pashkruar nga Bollino.

Bollino thekson se vendimi i Abdullait, mbante vetëm firmën e tij, pasi këtë çështje kishte vendosur më herët Partia Demokratike.

Mes të tjerash gazetari shkruan:

“M’u tha vetëm se nuk ishit ju që kishit vendosur, por partia demokratike: ju kishit firmosur “vetëm” vendimin. Tani, dokumentet e Vettingut sqaruan me mirë se kush ishit.”.

Reagimi i plotë i gazetarit Carlo Bollino:

Lamtumirë zoti Abdullaj, kur gjashtë vite më parë më dënuat të paguaj 75 mijë euro pa më njoftuar për procesin, pa një avokat dhe për një artikull që nuk e kisha shkruar kurrë, nuk ju njihja. M’u tha vetëm se nuk ishit ju që kishit vendosur, por partia demokratike: ju kishit firmosur “vetëm” vendimin. Tani, dokumentet e Vettingut sqaruan me mirë se kush ishit. Dhe vërtetojnë atë që gjithmonë e kam menduar: nëse një njeri pranon të përulet ndaj urdhërave të një partie, nuk e bën për dobësi apo nga frika, e bën, sepse ka shumë për të humbur dhe akoma më shumë për të fshehur. Bye bye.