Shkarkimi i Metës, Kryemadhi: Do të kërkojmë hetim parlamentar për falsifikim të dokumenteve

Shkarkimi i Metës, Kryemadhi: Do të kërkojmë hetim parlamentar për falsifikim të dokumenteve

Pas denoncimit nga Presidenca, LSI do të kërkojë hetim për Kuvendin lidhur me falsifikimin e dokumenteve me procedurat për shkarkimin e Presidentit Ilir Meta. Kryetarja e LSI-së, Monika Kryemadhi tha se forca e saj politike do depozitojë një nismë për hetimin e shkresave të Kuvendit për çështjen e shkarkimit të presidentit. Kryemadhi shtoi se nëse Gjykata Kushtetuese do të ishte normale, atëherë do kishte pushuar çështjen, por këtë se bën sipas saj, pasi është e kapur.

 “Ne si LSI jemi shumë të qartë në të gjitha pozicionimet tona të kauzave tona opozitare që kemi. Pavarësisht se jemi me 4 deputetë do të depozitojmë edhe nismën për sa i përket skandalit që ka ndodhur me shkresat e Kuvendit për falsifikimin në çështjen e presidentit. Është momenti për të parë sesa të vërteta janë ndjenjat dhe aksionet opozitare. Sot ne kemi një mazhorancë e cila ka ngelur pa tekst, me atë manipulim që ka bërë në Kuvend që është shumë e rëndë. Dhe asnjëri nuk merret me të. As mediat nuk merren. Po të kishte prokurori, prokuroria duhet të shkonte automatikisht të bllokonte komplet arkivën e Parlamentit. Po të kishte një Gjykatë Kushtetuese normale do të thonte: Kjo çështje mbyllet, ke sjellë një provë të falsifikuar. Nuk mund të ndodhë kjo, sepse këtu çdo gjë është e kapur” – tha Kryemadhi.

Një ditë më parë, Këshilltari Ligjor i Presidentit, Bledar Dervishaj tha se Kuvendi shkeli në mënyrë flagrante ligjin, ku falsifikoi dokumentin për të plotësuar afatin 48 orësh që thotë rregullorja e Kuvendit se duhet plotësuar për ta çuar në seancë plenare një vendimmarrje të komisioneve parlamentare. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hetimi: 08/02/2022 23:31

    Dorezoni ne fillim gjene e vjedhur dhe grabitjen e pasurise kombetare ju si cift ujqerish jeni,pastaj kerko hetim kuvendit qe ka votuar populli. Se pa votat e popullit nuk ka kuvend,kete vere mire ne mendje ti dhe kush tjeterson vullnetin e popullit. Leri ecejaket qe te shpetoni pa lagur kesaj here.

    Përgjigju
  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Reshje të dendura shiu në Maliq, stuhia rrëzon pemët pranë fshatit Pendavinj

Reshje të dendura shiu në Maliq, stuhia rrëzon pemët pranë fshatit Pendavinj