E shkarkoi nga Banka e Shqipërisë në 2019, Malaj: Rama u soll arrogant, ka defekte të mëdha si lider

 

Shkarkimin në 2019 si anëtar i Këshillit Mbikëqyrës në Bankën e Shqipërisë, Arben Malaj e kujton ende me një shije të hidhur. I ftuar në Frontline në Report Tv me gazetaren Marsela Karapanço, Malaj tha se kryeministri Edi Rama u soll në mënyrë arrogante me të.

“S’kam asgjë individuale me Ramën por me mënyrën arrogante si u soll me mua dhe largimi në mënyrë arrogante nga bordi i BSH tregon difektet e mëdha që ka Rama si lider. Nuk ndiej mall për atë kohë sepse s’i kam shkëputur marrëdhëniet me PS dhe njerëzit të saj”, tha ai.

LEXO EDHE:
Raporti i 'Reporterëve pa Kufij' për lirinë e medias, Rama: Marrim masa për të përmirësuar mjedisin mediatik dhe të drejtat e gazetarëve

Një koment pati dhe për fjalimin që ka mbajtur në parlament në atë kohë.

“Kam pasur përgjegjësi dhe asnjëherë nuk e kam tundur kokën sepse kam menduar se përmbush më mirë besimin që më japin shqiptarët”, shtoi Malaj.

E mohoi kategorikisht rikthimin në politikë.

“Unë nuk kam ambicie politike dhe jam i kënaqur me ato që bëj sot. Kur një derë mbyllet një portë hapet e kam bërë pasi dola nga politika. Tani po bëj një libër për skemat piramidale në Shqipëri”, tha më tej ish-ministri.

 

Lajmi kryesor:

Ndryshimet në qeveri, Malaj: Ndarja e 'Ekonomisë' nga 'Financat' e vonuar, rezerva për shkrirjen me 'Kulturën'! Gonxhe, ‘kali i punës’

B.K/S.G/Shqiptarja.com

TAG:
• arben ahmetaj
• sali berisha
• edi rama
• Ministria e Ekonomisë Kulturës dhe Inovacionit
• Blendi Gonxhe
• Arben Malaj