TIRANE- Gjergj Filipi do të jetë drejtori i ri i Institutit të Statistikave. Emërimi i tij është bërë nga kryeministri Edi Rama, pas shkarkimit të drejtoreshës Ines Nurja përmes një shkrese të firmosur nga kreu i qeverisë.

Drejtori i ri i INSTAT, Gjergj Filipi, ka qenë drejtor i institutit “Agenda”, i cili ka kryer një sërë kërkimesh, kryesisht të lëmit ekonomik dhe zhvillimit social.

Ndërkaq, Filipi është një emër i njohur për shqiptarët, pasi ka qenë aktiv në daljet publike në televizione, duke shfaqur kryesisht një qëndrim kritik ndaj qeverisë paraardhëse lidhur me politikat ekonomike.

Pak ditë më parë, në mbledhjen e qeverisë është shkrirë edhe Këshilli i Statistikave.

Redaksia Online
(e.s/shqiptarja.com)