FOTO /Shkatërrohet grupi kriminal shqiptar në Belgjikë, 18 të arrestuar! 160 policë në aksion, sekuestrohet kanabis, kokainë, mijëra euro e 33 mjete luksoze

Pas një hetimi 2-vjeçar, Policia në Belgjikë ka shkatërruar një grup kriminal që drejtohej nga mafia shqiptare. Operacioni u ndërmor ditën e sotme dhe 18 persona u arrestuan.  Nga operacioni u sekuestruan 33 automjete me vlerë rreth 300 mijë euro, ndërkohë u kapën dhe 30 mijë euro cash. Gjithashtu janë konfiskuar llogari bankare me vlerë afro 70,000€, si u sekuestrua edhe një orë Rolex.

21 kontrolle janë ushtruar ditën e sotme dhe policia mundi të sekuestrojë 600 rrënjë kanabis dhe 800 gramë kanabis. Sera e kanabisit u zbulua në Verviers në Belgjikë. Prokurori Publik i Lièges tha se në operacion janë përfshirë 160 policë.

“Ky operacion u krye me mbështetjen e njësive speciale të policisë federale, PJF-ve të Luksemburgut dhe Charleroi, zonave policore të Ans/St Nicolas, Grâce-Hollogne/Aëans, Famenne-Ardennes, njësitë federale”, tha ai.

21 kontrollet u kryen në Liège, Seraing, Saint-Nicolas, Grâce-Hollogne, Jemeppe, Verviers, Marche-en-Famenne, Houffalize dhe Morlanëelz dhe u arrestuan 18 persona. Dërkohë është prerë urdhër-arresti për 5 persona të tjerë. Prokurori tha se ky aksion vërtetoi ekzistencën e trafikut të drogës që ky grup kriminal bënte prej të paktën një periudhe 4-vjeçare.

Çfarë u sekuestrua?

– 800 gramë kokainë

– Pajisje për paketimin dhe shitjen e kokainës (peshore, thasë për doza, makinë ambalazhimi me vakum, pres, etj.)

-600 rrënjë kanabis

-33 automjete me vlerë 300 mijë euro

– 30 mijë euro cash

-Llogari bankare me vlerë rreth 70 mijë euro

-Një orë Rolex dhe aksesorë të tjerë luksi

– dokumente false italiane dhe sllovene

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Kylian Mbappe 'i futet' politikës, ylli i Francës: Votoni kundër të djathtës ekstreme

Kylian Mbappe 'i futet' politikës, ylli i Francës: Votoni kundër të djathtës ekstreme