TIRANE- Mos vendosja e rripit të sigurimit, mos respektimi i këmbësorëve, si dhe përdorimi i automjeteve në gjendje të dehur janë disa nga problemet kryesore të drejtuesve të makinave apo motorrave në vendin tonë. Në këtë sezon vere, Sektori i Policisë Rrugore ka shtuar aksionet ndaj shkelësve të rregullave të qarkullimit rrugor. Aksioni më i fundit i kryer vetëm në kryeqytet, për gjashtë muajt e fundit ka regjistruar rreth 57 mijë shkelje, për të cilat janë marrë masa të rrepta administrative.

Aksioni
Sektori i Policisë Rrugore pranë Policisë së Shtetit ka nisur një aksion në kryeqytet për të kontrolluar se sa i respektojnë rregullat e qarkullimit rrugor drejtuesit e makinave dhe të motorrave.