POP 5

Lajmet më të lexuara të 5 minutave të fundit

Drejt Punës

Shkëlqimi i Kullave, perla unike të turizmit në Veriun e Shqipërisë, si kulla Hupi në Bulqizë

Turizmi po sjell lindjen e profesioneve të reja dhe po hap dyert e kullave qindravjeçare të veriut të bukur të Shqipërisë. Kulla Hupi në Bulqizë është një shembull i jashtëzakonshëm se si mund të shndërrohet një shtëpi kaq karakteristike në një vend mikpritës dhe burim punësimi dhe të ardhurash për familjet shqiptare.

Shkëlqimi i Kullave, perla unike të turizmit në Veriun e Shqipërisë, si kulla Hupi në Bulqizë

Kulla Hupi ne Bulqize

Shumë djem dhe vajza shqiptare kanë përveshur mëngët dhe janë të bindur që e vetmja rrugë drejt përmirësimit është puna dhe shkëlqimi i çdo pasurie që na kanë lënë me sakrifica të parët tanë. Kështu, Lulzim Hupi nga Bulqiza me një punë të jashtëzakonshme ka kthyer Kullën Hupi si në një destinacion shumë tërheqës për turizmin malor të zonës.

Gur më gur, çdo cep i kësaj ndërtese qindravjeçare, është kthyer sot në një vend që nuk mund të humbet për këdo dëshiron të njohë këtë zonë të pasur të Shqipërisë. Rruga e Arbërit do të jetë një ndihmë e jashtëzakonshme, edhe pse ende pa mbaruar, shqiptarët po zbulojnë dalë nga dalë se ç’bukuri të jashtëzakonshme të natyrës, por dhe të historisë ruhen në këtë anë të Shqipërisë, deri dje e paprekur dhe e paeksploruar as nga vetë shqiptarët.

Kulla, kjo ndërtesë e veçantë prej guri, është shndërruar në një shtëpi mikëpritëse, ku veç ushqimit tradicional, të zotët ofrojnë edhe eskursione në vende malore të një bukurie të rrallë. Nën shembullin e Kullës Hupi, apo kullave të Tropojës, Vermoshit etj, të tjera të ngjashme mund të “ngrenë kryet” e të shërbejnë si mikëpritëse të rralla edhe të turistëve të huaj. Shumë prej tyre kanë trokitur dhe kanë shijuar eksperiencën e veçantë të fjetjes në një kullë, por sa më shumë dyer të tilla të hapen, aq më shumë mundësi punësimi dhe përmirësimi për ekonominë e këtyre zonave të thella të Shqipërisë autentike.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06