Policia e Shkodrës, ka bërë të ditur se, mëngjesin e sotëm rreth orës 05:30 në një zonë të pyllëzuar është parë një person me një thes në shpinë i cili po tentonte të kalonte kufirin në mënyrë ilegale.
Forcat e policisë janë vënë në ndjekje të personit, por ky i fundit i ka pikasur uniformat blu. Menjëherë ka lëshuar thesin në tokë dhe është zhdukur në pyll duke përfituar edhe nga errësira.
Në kontrollin e bërë, në thes janë gjetur 10 pako me kanabis sativa me peshë prej 10 kilogramësh. Sipas policisë, janë duke u bërë hetimet për identifikimin dhe kapjen e autorit të këtij trafiku.
Redaksia online
(ac/shqiptarja.com)
![](https://www.shqiptarja.com/template/img/sh_logo1.png)