Mungesa e ndriçimit ka shkaktuar një tjetër aksident me vdekje në autostradën Shkodër- Hani i Hotit, një nga rrugët me problematike të qarkut Shkodër.

Aksidenti i rëndë ka ndodhur mbrëmjen e së mërkurës rreth orës 21:00 pranë kryqëzimit të Vrakës kur automjeti me targë AA 352 LD, me drejtues shtetasin Rexhep Rrukaj, 65 vjeç, banues në Malësi të Madhe, ka aksidentuar me pasojë vdekjen, një shtetas të seksit mashkull, rreth 50 vjeç dhe akoma i paidentifikuar.

Përplasja ka qenë fatale për 50 vjeçarin, i cili ka humbur jetën menjëherë, pasi ka marrë plagë të shumta në kokë.

Ndërkohë Drejtuesi i mjetit është shoqëruar në ambientet e komisariatit të policisë Malësi e Madhe për veprime të mëtejshme.

Në vendngjarje ndodhet grupi hetimor i cili po punon për identifikimin e kufomës dhe sqarimin e rrethanave të ngjarjes. Trupi pa jetë ka qëndruar përreth 1 orë në asfalt pasi autoambulanca nuk ka mbërritur.

Autostrada Shkodër- Hani i Hotit është kthyer ne burim aksidentesh ndërsa numri i viktimave sa vjen e shtohet, mungesa e ndriçimit vijon të mbetet shkaktari kryesor i aksidenteve.

Njoftimi i policisë:
Më datë 28.12.2016, rreth orës 21:00, në aksin rrugor Shkodër-Koplik, vendi i quajtur Vrakë ka ndodhur një aksident me pasojë vdekjen.

Menjëherë në vendngjarje kanë mbërritur shërbimet e policisë të cilët kanë konstatuar se automjeti me targë AA 352 LD, me drejtues shtetasin Rexhep Rrukaj, 65 vjeç, banues në Malësi të Madhe, ka aksidentuar me pasojë vdekjen, një shtetas të seksit mashkull, rreth 50 vjeç dhe akoma i paidentifikuar.

Drejtuesi i mjetit është shoqëruar në ambientet e komisariatit të policisë Malësi e Madhe për veprime të mëtejshme.

Në vendngjarje ndodhet grupi hetimor i cili po punon për identifikimin e kufomës dhe sqarimin e rrethanave të ngjarjes.
aksident shkoder me logo
(Vendi ku ndodhi aksidenti në Shkodër)


Redaksia Online
l.q/Shqiptarja.com