POP 5

Lajmet më të lexuara të 5 minutave të fundit

Kultura

Shkodër/ Çelet tek 'Marubi' ekspozita e rrallë 'Vëllezërit Kodheli dhe Kolë Idromeno, Rilindja në Artin Pamor Shqiptar'

Në muzeun “Marubi” u hap ekspozita “Vëllezërit Kodheli dhe Kolë Idromeno – Rilindja në Artin Pamor Shqiptar”, kuruar nga drejtori i muzeut, Luçjan Bedeni. Në këtë ekspozitë shfaqen imazhe të rralla,  të papublikuara më parë, që sjellin në vëmendje historinë e artit pamor shqiptar gjatë Rilindjes Kombëtare.

“Vëllezërit Kodheli dhe Kolë Idromeno” është ekspozita më e re që u çel në Muzeun e Fotografisë “Marubi”. Ajo vjen në kuadër të Ditës Botërore të Fotografisë në bashkëpunim me Institutin e Antropologjisë, e kuruar nga Luçjan Bedeni.

Ekspozita fotografike sjell një panoramë të përgjithshme të Shkodrës së viteve të para të shekullit XX përmes aktivitetit të dy atelieve “Marubi” dhe “Idromeno”.

“Ia kushtojmë këtë ekspozitë pionerëve të fotografisë, aktivitetit të dy studiove fotografike të fillimshekullit XX. Kjo ekspozita është e orientuar tek fasadat, siç është rruga e Gjuhadolit, ku në këtë rrugë Idromeno shpalos gjithë mjeshtrinë e tij”, tha Luçjan Bedeni, drejtor i Muzeut të Fotografisë “Marubi”.

Drejtuesi i Institutit të Antropologjisë Olsi Lelaj tregon rreth bashkëpunimit me Muzeun “Marubi” ku vlerëson kontributin e personave në ruajtjen dhe konservimin e këtyre koleksioneve me rëndësi historike.

“Këto koleksione janë ruajtur nga studiusi Rrok Zojzi i cili i ka bërë pjesë të arkivës së Antropologjisë”, tha Olsi Lelaj Drejtor i Instituti i Antropologjisë.

Ekspozita fotografike “Vëllezërit Kodheli dhe Idromeno” është e dyta për këtë vit e Muzeut “Marubi”. Ajo do të qëndrojë e hapur deri me 10 nëntor të këtij viti.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ngjarjet e fundit në vend ju shqetësojnë për nivelin e sigurisë?

Lajme të tjera



×

Lajmi i fundit

Mero Baze: Kukamshefti me mbetjet e fonderive të 'Kurum'-it

Mero Baze: Kukamshefti me mbetjet e fonderive të 'Kurum'-it

21 Gusht, 19:04 nga Mero Baze