Shkodër/ Plagosen me thikë dy të miturit, 14-vjeçari i qëllon pas një sherri! Shkak bullizmi, arrestohet nga policia

SHKODËR- Dy të mitur kanë mbetur të plagosur pas një sherri të çastit në Shkodër. Autori, një 14 vjeçar, është arrestuar nga policia. 

Ngjarja ka ndodhur rreth orës 18:15 të 22 dhjetorit, në vendin e quajtur "Stadiumi“, gjatë një konflikti të çastit. Autori 14 vjeç i ka plagosur me thikë dy të mitur 13 e 15 vjeç, të cilët janë dërguar në spital dhe po marrin ndihmën mjekësore jashtë rrezikut për jetën.  

Shkak për ngjarjen dyshohet se është bërë bullizmi mes të miturve, që ka përfunduar më pas në sherr deri në përdorimin e thikave. Pas palgosjes, 14-vjeçari E. K., është larguar nga vendi i ngjarjes, por më pas ka rënë në pranga. 

"Rreth orës 18:15, në vendin e quajtur "Stadiumi“, gjatë një konflikti të çastit dyshohet se shtetasi E. F 14 vjeç ka dëmtuar me mjet të mprehtë ( thikë)  dy të mitur 13 e 15 vjeç, të cilët janë dërguar në spital dhe po marrin ndimën mjekësore jashtë rrezikut për jetën.        

Shërbimet e Policisë shkuan menjëherë në vendngjarje dhe pas disa minutash kontrolli në  zonë bënë të mundur kapjen e autorit të dyshuar shtetasit E. K., rreth 14 vjeç.  Shtetasi E. K po shoqërohet në ambientet e Drejtorisë Vendore të Policisë dhe do kryehen veprime proceduriale në prani të psikologut dhe familjarëve nën drejtimin e Prokurorit", njofton policia. 

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.

SI.E./Shqiptarja.com

TAG:
• plagosje
• Shkoder