Shkodër, gjendet trupi i 14
vjeçarit të zhdukur para 4 ditësh

Shkodër, gjendet trupi i 14<br />vjeçarit të zhdukur para 4 ditësh
Është gjetur mesditën e sotme trupi i pajetë i 14- vjeçarit të zhdukur para katër ditësh, Valentin Carkaj. Kanë qenë vetë familjarët e viktimës ata që e kanë identifikuar trupin e pajetë të të afërmit të tyre.

Valentin Carkaj ishte zhdukur katër ditë më parë, ndërkohë që ditën e djeshme familjarët kërkuan edhe ndihmën e medias për gjetjen e të afërmit të tyre.

I mituri kishte shkuar të lahej me një shok në lumë në fshatin Hot i ri, por ai nuk është kthyer më në shtëpi.

Shoku i  14-vjeçarit është rikthyer dhe i pyetur nga familjarët e Valentinit ka thënë se nuk kishte djeni për se ku ndodhej 14- vjeçari.

Trupi i pajetë i 14- vjeçarit është gjetur në një kanal vaditës me rreth 30 centimetra ujë dhe i mbuluar nga mbeturinat e ujit.

Sipas policisë, trupi i Valentin Carkaj  është dërguar në Morgun e Spitalit Rajonal Shkodër për të identifikuar dhe përcaktuar shkakun e vdekjes.

shkoder gjendet i pajete
(Vendi ku u gjet i pajetë 14-vjeçari)

zhduket 14 vjecari shkoder valentin carkaji
( I mituri që humbi jetën, Valentin Carkaj )

[gallery]23336[/gallery]
Njoftimi i policisë:
Më datë 02.08.2017, rreth orës 13:00, në një kanal uji vaditës me rreth 30 cm ujë, në fshatin Hot i Ri, Njësia Administrative Rrethina Shkodër, është gjetur një trup i pajetë i seksit mashkull, i mbuluar nga mbeturinat e ujit.

Në vendin e ngjarjes kanë shkuar shërbimet e Policisë dhe grupi hetimor.

Kufoma është dërguar në Morgun e Spitalit Rajonal Shkodër për identifikim dhe për të përcaktuar shkakun e vdekjes.

Nga kqyrja paraprake dyshohet se mund të jetë femija i humbur me datë 30.07.2017 shtetasi V. Ç. 14 vjeç banues në fshatin Hot i Ri, Shkodër.



Redaksia Online
D.T/Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet