Policia e Shkodrës ka vendosur në pranga një 49-vjeçar i cili ishte shpallur në kërkim për veprat penale “Kultivimi i bimëve narkotike” dhe “Prodhimi dhe shitja e narkotikëve”

Shpëtim Çulaj dyshohet si  bashkëpunëtor për kultivimin e 2285 bimëve narkotike kanabis, në fshatin Alijaj.

Lëndët narkotike janë asgjësuar nga uniformat blu në 6 shtator të këtij viti.

“Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar dhe në informacionet e siguruara në rrugë operative, specialistët e Seksionit për Hetimin e Narkotikëve kanë kapur dhe ndaluar shtetasin: 

Sh. Ç., 49 vjeç, banues në fshatin Aliaj.   

Ky shtetas ishte shpallur në kërkim për veprat penale “Kultivimi i bimëve narkotike” dhe “Prodhimi dhe shitja e narkotikëve”. Ai dyshohet si bashkëpunëtor për kultivimin e 2285 bimëve narkotike kanabis, në fshatin Alijaj, të cilat janë gjetur dhe asgjësuar nga shërbimet e Policisë, më datë 06.09.2025”, njoftoi sot policia.

 Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.