POP 5

Lajmet më të lexuara të 5 minutave të fundit

Kronikë

Shkodër, sekuestrohen 540 fidanë
kanabis, 2 në pranga, 1 në kërkim

Policia e Shkodrës ka finalizuar me sukses operacionin e koduar “LIMITLESS” gjatë të cilit janë sekuestruar 540 fidanë dhe 300 bimë në gjendje të tharë, lëndë narkotike kanabis dhe 1 armë zjarri.  FOTO
Policia e Shkodrës ka finalizuar me sukses operacionin e koduar “LIMITLESS” gjatë të cilit janë sekuestruar 540 fidanë dhe 300 bimë në gjendje të tharë, lëndë narkotike kanabis dhe 1 armë zjarri. 

Dy persona u arrestuan në flagrancë ndërsa një tjetër u shpall në kërkim. Në prangat e policisë ka rënë Alfred Marashi, 20 vjeç, banues në fshatin Gimaj, Njësia Administrative Shalë, Bashkia Shkodër, për veprën penale “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim e parashikuar nga nenet 284, 25 dhe 278 të Kodit Penal, Leonard Alija, 19 vjeç, banues në fshatin Bardhaj, Njësia Administrative Rrethina, Bashkia Shkodër, për veprën penale “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim parashikuar nga nenet 284, 25 dhe 278 të Kodit Penal.

Ndërkohë që u shpall në kërkim Gjon Marashi, 62 vjeç, banues në fshatin Gimaj, Njësia Administrative Shalë Shkodër, “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim parashikuar nga nenet 284, 25 dhe 278 të Kodit Penal.

Gjatë kontrolleve të ushtruara në lagjen “Gag” të fshatit Gimaj, Njësia Administrative Shalë Shkodër, u konstatuan tre parcela të ndryshme ku ishin kultivuar 540 rrënjë fidanë të dyshuar të llojit Cannabis Sattiva.

Gjatë kontrolleve të ushtruara në banesën e shtetasit Alfred Marashi janë gjetur dhe sekuestruar në cilesinë e proves materiale një armë zjarri model 56 me një krëhër me 30 fishekë dhe 300 bimë në gjendje të tharë e dyshuar si Cannabis Sativa. 

Gjithashtu u procedua në gjendje të lirë shtetasi: 

P. A, 49 vjeç, banues në Abat, Njësia Administrative Bashkia Shkodër, me detyrë administrator i Njësisë Administrative Shalë për veprën penale "Moskallzim krimi", e parashikuar nga neni 300 i Kodit Penal. 

Materialet iu referuan Prokurorisë së Rrethit Gjyqësor Shkodër për veprime të mëtejshme.

[gallery]21911[/gallery]

Redaksia Online
l.q/Shqiptarja.com 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

10 Janar, 13:34